Të dielën bizneset e Mitrovicës nuk u lanë rehat nga inspeksioni i Komunës.

Pas një vendimi të Komunës, të gjitha ato që ishin duke punuar atë ditë, përveç kafeneve u mbyllën, shkruan Gazeta inFokus.

Disa biznese e pritën mirë, e disa të tjera u ankuan se nuk u informuan më herët nga Komuna.

-Advertisement-

Megjithatë, këtë gjë e ka mohuar në një prononcim për Gazetën inFokus, drejtori i Inspektoriatit në këtë komunë, Hysni Ahmeti.

Ahmeti ka thënë se me kohë kanë qenë të njoftuara të gjitha bizneset dhe se mbyllja e tyre ndodhi pasi nuk u respektua rregullorja e nxjerrë nga Komuna.

Mirëpo, ai ka shtuar se këto biznese mund të punojnë me rotacion.

“Kjo mbetet në kuadër të shoqatave të tyre, të cilat i kanë bizneset që me u marrë vesh mes vete se kush do të kujdestarojë çdo të diele. Nëqoftëse merren vesh ndërmjet vete ne i respektojmë ata, nëse nuk merren vesh është problem. Vazhdon e njëjtë”, tha Ahmeti për inFokus.

Këtë gjë, sipas tij janë duke e bërë barnatoret e Mitrovicës.

“Kështu e kemi lënë edhe me barnatore dhe ato e kanë kujdestarinë të dielën. Në gjithë qytetin i kemi 5 barnatore që kujdestarojnë të dielën”, ka shtuar ai.

Pas takimit të bordit të Komunës, Ahmeti gjithashtu ka treguar për inFokus se edhe mega-marketeve të cilat po u lejohet puna të dielën, do t’u kufizohet orari.

Me vendimin e ri, ato do të kenë të drejtë të punojnë vetëm deri në ora 23:00.

E për të gjitha ato biznese që duan të punojnë të dielën, ai ka thënë se ato duhet ta paguajnë një taksë shtesë në Komunë.

Fat i njëjtë sikur bizneset, Ahmeti ka deklaruar se i pret edhe pompat e derivateve.

Me to aksioni do të fillojë këtë fundjavë.

“Prej javës së ardhshme do të merremi edhe me pompat e derivateve. As ato nuk do të punojnë rregullisht sikur ditët e javës, por do të punojnë me rotacion ose do ta gjejmë një mënyrë tjetër të punës së tyre”, ka theksuar ai.

Nga aksioni i së dielës u mbyllën 20 biznese, 3 mega markete, 2 barnatore, 15 bastore e 2 kazino.

Aksioni do të vazhdojë edhe ditët e ardhshme. /Gazeta inFokus

VIVA FRESH E SHPALL KREEEEJT MUAJIN BLACK NOVEMBER!

Sponsoruar

-Advertisement-