A paguajnë kosovarët më së paku për energji elektrike?

Autori: Gazeta inFokus
20:14 | 09 November 2024
Në një postim më 4 nëntor, “Lëvizja Vetëvendosje” publikoi në Facebook një grafikë që paraqiste rritjen e çmimeve të energjisë elektrike në rajon, bazuar në Eurostat.
LVV i bashkangjiti këtë përshkrim publikimit: “Sipas të dhënave të Eurostat-it, Kosova jo vetëm që ka shënuar rritjen më të ulët të çmimeve të energjisë elektrike, por gjithashtu mban çmimet më të ulëta në rajon. Këto fakte, të bazuara në burime zyrtare, hedhin poshtë dezinformatat dhe propagandën e klubit të stërvjetëruar politik mbi një çështje kaq të rëndësishme si energjia elektrike. Përtej kësaj, Kosova ka ndërmarrë politika qeveritare që jo vetëm kanë subvencionuar energjinë elektrike, por kanë zbatuar masa që përmirësojnë dhe mbështesin eficiencën energjetike. Këto vendime kanë ndihmuar në ruajtjen e stabilitetit dhe lehtësimin e barrës për qytetarët”.
Çka nuk shkon?
Në një debat televiziv në vitin 2019, në prag të zgjedhjeve të atëhershme të 6 tetorit, LVV kishte vendosur uljen e çmimit të energjisë elektrike në 20 prioritetet e para të qeverisjes së tij, nëse do të vinte ne pushtet.
Aty Kurti kishte thënë se synonin uljen e çmimit të energjisë elektrike sepse çmimi ishte “teper i shtrenjtë kur rrimë mbi këtë energji që kemi… shumë kemi kapacitet”, duke ju referuar rezervave të qymyrit në Kosovë.
Çmimet e energjisë elektrike kanë qenë vazhdimisht më të ulëtat në rajon dhe në Evropë. Por, gjatë mandatit të qeverisë Kurti, çmimet e energjisë elektrike u shtrenjtuan dy herë.
Në shkurt 2022, Zyra e Rregullatorit të Energjisë (ZRrE) miratoi një rritje tarifash, vendim ky që preku konsumatorët shtëpiakë dhe komercialë, që shprenzonin mbi 800 kWh. Çmimi për ta u rritë mbi 100%.
Ndërkohë, më 1 prill 2023, ZRrE miratoi një rritje të re tarifash, ku energjia elektrike u rritë për 15.4%.
Sipas tarifave të prillit, rritjet mujore në faturat e qytetarëve ishin:
Për ata që shpenzojnë deri në 300kWh — +2.88 €
450kWh — +4.18 €
600kWh — +5.49€
800kWh — +7.23€
1000kWh — +10.51 €
1200kWh — +13.8€
Sipas Raportit të OECD për Konkurrueshmërinë e Ballkanit Perëndimor 2024, pavarësisht se lufta e Rusisë në Ukrainë në vitin 2022 rriti çmimet globale të energjisë, Kosova ishte relativisht e mbrojtur, pasi mbështetet pothuajse tërësisht në linjit për prodhimin e energjisë elektrike. Megjithatë, vendi u përball me një ekspozim të konsiderueshëm indirekt për shkak të rritjes së çmimeve të importeve të energjisë elektrike. Si pasojë, kostoja e energjisë elektrike për familjet u rrit me 26% nga fillimi i vitit 2020 deri në gjysmën e dytë të vitit 2023, ndërsa çmimi për konsumatorët jo-familjarë u rrit me 18% gjatë të njëjtës periudhë. Sipas raportit, këto çmime të larta energjie ndikuan negativisht në të ardhurat reale të disponueshme të familjeve, duke prekur veçanërisht popullatat më të cenueshme.
Si krahasohen të ardhurat e qytetarëve të Ballkanit Perëndimor me Kosovën?
Megjithëse çmimi i energjisë elektrike në Kosovë është më i ulti në rajon, ai s’është më i liri në raport me të ardhurat mujore të qytetarëve në Kosovë. Kosova mbetet vendi me pagën më të ulët minimale dhe me pagën më të ulët mesatare në rajon.
Kosova — 350 euro
Shqipëria — 386 euro
Bosnja dhe Hercegovina — 486 euro
Mali i zi — 533 euro
Maqedonia e Veriut — 542 euro
Serbia — 544 euro
Teksa të dhënat mbi pagat mesatare në rajon variojnë varësisht burimit, nga të gjitha versionet, paga mesatare në Kosovë është më e ulëta.
Paga mesatare bruto në rajon gjatë vitit 2023, sipas A2 CNN:
Kosova — 570 euro
Shqipëria — 723 euro
Maqedonia e Veriut — 975 euro
Mali i Zi — 1,024 euro
Bosnja dhe Hercegovina — 1,023 euro
Serbia — 1,112 euro
Paga mesatare bruto në rajon, sipas TRT Balkan:
Kosova — 570 euro
Shqipëria — 763 euro
Maqedonia e Veriut — 688 euro
Mali i Zi — 832 euro
Bosnja dhe Hercegovina — 708 euro
Serbia — 824 euro
Në shumicën e vendeve të Ballkanit Perëndimor, paga mesatare është gati dyfish më e lartë se ajo në Kosovë. Dallimi në çmim të energjisë nuk është kaq i madh, megjithatë.
Kjo shfaq se edhe pse çmimi i energjisë elektrike është më i ulëti në rajon, kur vendoset në raport me të ardhurat nuk del se qytetarët kosovarë paguajnë më së paku në rajon. Megjithëse kosovarët e kanë energjinë elektrike më të lirë, ata në fakt kanë më pak para.

Të tjera
-
Moti nesër dhe ditëve në vazhdim
Nesër në Kosovë pritet të mbajë mot me diell dhe erëra ende paksa të ftohta n...
-
“Ai duhet të japë dorëheqje”, Veliu: LDK-në në 12 për qind e sollën Vjosa Osmani edhe Lumir Abdixhiku
Ish-ministri i Brendshëm nga radhët e LDK-së dhe ish kryetari i Podujevës, Ag...
-
“LDK ka takuar Krasniqin e Haradinajn”
Nënkryetari i LDK-së Lutfi Haziri në ”Click” të RTV21 tha se gjatë javëve të ...
-
Deda: Nëse Hoti ka prit që LDK-ja i merr 200 mijë vota, le të na tregon qysh
Analisti politik, Ilir Deda, ka folur për pakënaqësitë e deputetit Avdullah H...
-
Vetëvendosje akuzon PZAP’në se legalizoi “keqpërdorimet e votave me postë”, paralajmërojnë ankesë në Supreme
Blerim Sallahu, zëvendësministër i Drejtësisë në detyrë, ka reaguar në lidhje...
-
Ukë Rugova: LDK është parti e hapur – përçarje nuk ka, Abdixhiku e ka përkrahjen e plotë të familjes sonë
Ukë Rugova, djali i presidentit Ibrahim Rugova, është pyetur për “përçarjen b...
-
Ministria e Pecit pagoi 66 mijë euro për t’i larguar mobiliet që nuk ekzistonin në objektin ku pati selinë AAK-ja
Ministria e Bujqësisë ka paguar 66 mijë euro për heqjen e mobilieve nga secil...
-
“Telenovela” politike, Rama sfidon Bashën po me këngë të Unikatilit
Në një replikë të fundit që ka shoqëruar diskursin politik të ditës, Kryemini...
-
VV paralajmëron ankesë në Supreme për votat e LDK-së me postë
Lëvizja Vetëvendosje ka paralajmëruar ankesë në Gjykatën Supreme pasi Paneli ...
-
Ambasada e Kosovës në Londër ofron ushqime tradicionale: Diplomatët njohën pasurinë e trashëgimisë sonë
Ambasada e Kosovës në Londër ka bërë të ditur se Ministria e Jashtme e Britan...
-
“Nëse veç një njeri thotë se Nexhati u kanë e ka pa me Bedri Rexhepin qetash nënshkruaj për burgim të përjetshëm”, Vllasaliu mohon se ka marrë pjesë në vrasjen e biznesmenit
Prishtinë- I akuzuari Nexhat Vllasaliu të mërkurën në Gjykatën Themelore në P...
-
Vuçiq diskuton për bashkëpunimin e Serbisë me NATO-n dhe çështje të zgjerimit me zyrtarët në Bruksel
Presidenti serb, Aleksandar Vuçiq, ka thënë të mërkurën se ka një mori çështj...