Shëndetësi

Pa ilaçe dhe vaksina specifike, distancimi social mund të vazhdojë deri në vitin 2022

Autori: Gazeta inFokus 10:54 | 15 April 2020

Në një studim të ri të botuar në revistën Science, epidemiologët nga Harvard T.H., Shkolla e Shëndetit Publik Chan thuhet se në mungesë të një vaksine ose trajtimi efektiv, distancimi shoqëror mund të jetë i domosdoshëm deri në vitin 2022 për të frenuar pandeminë COVID-19.

Studimi, botuar të martën, thotë se distancimi social me intervale mund të jetë i nevojshëm për të kontrolluar përhapjen e virusit për disa vite të ardhshme.

Studiuesit shtojnë se është e rëndësishme të kuptojmë nëse SARS-CoV-2, virusi që shkakton COVID-19, mund të humbasë forcën pas kësaj pandemie fillestare si shpërthimi SARS i 2003. Përndryshe, ka të ngjarë që SARS-CoV-2 të rishfaqet çdo dimër si koronaviruset e tjera, më të zakonshme.

-Advertisement-

Ende ka shumë gjëra që nuk i kuptojmë në lidhje me SARS-CoV-2, si imuniteti; nëse imuniteti ndaj virusit nuk është i përhershëm, ka më shumë të ngjarë të bëhet një sëmundje që qarkullon rregullisht nëpër popullatë si gripi. Disa vende, si Japonia, kanë parë tashmë një valë të dytë rastesh, pas relaksimit ndaj udhëzimeve për distancimin shoqëror.