Çfarëdo që të prekni me duart tuaja, ushqimi, bakteret, pluhuri mund të transferohen në celularin tuaj, duke e bërë atë një “pjatë” të lëvizshme që mund të ngjitet me mikrobet.

Pra, ka një diskutim në rritje për mënyrën e mbajtjes së telefonave të dezinfektuar, pasi shpërthimi i koronavirusit vazhdon të përhapet në të gjithë botën.

Dhe kjo është arsyeja pse shitjet e një makinerie pastrimi të quajtur PhoneSoap janë në rritje.

-Advertisement-

Produktet e PhoneSoap, të cilat vrasin mikrobet në telefona duke i larë ato me rreze ultraviolet, nuk janë testuar kundër COVID-19. Por të ardhurat deri më tani këtë muaj janë rreth 20 herë më të larta se në të njëjtën periudhë të vitit të kaluar, shprehet bashkëthemeluesi Dan Barnes për CNN.

Kompania shiti nga pajisjet e saj në fillim të marsit, por aktualisht është duke marrë porositë që do të dërgojnë midis 15 Prillit dhe 30 Majit, sipas faqes së saj të internetit.

“COVID-19 nuk është diçka që ne e festojmë, por ai ka rritur padyshim vetëdijen se telefonat ose sipërfaqet e forta mund të mbajnë baktere me ditë të tëra dhe se është e rëndësishme për t’i pastruar ato,” – tha Barnes.

Higjiena e telefonit ka rëndësi përgjithësisht sepse hulumtimet kanë treguar që pajisjet tona mobile mbajnë patogjenë që mund të përfshijnë baktere rezistente ndaj antibiotikëve, tha Mia Lieberman, një veterinere në shkollën mjekësore të Harvardit i cili ka testuar efektivitetin e PhoneSoap.

Këto mikrobe mund të përbëjnë një rrezik, veçanërisht për njerëzit me gjendje shëndetësore jo të mirë.

Si funksionon?

Modeli tradicional i PhoneSoap, i quajtur UV-C, dëmton bakteret dhe viruset, në mënyrë që ata të mos mund të përsëriten.

PhoneSoap vret 99.99% të mikrobeve shtëpiake, përfshirë E. coli dhe salmonelën, sipas asaj që shkruhet në faqen online të firmës.

Në një studim, Lieberman e testoi atë kundër baktereve dhe zbuloi se ishte efektive. Por ajo vuri në dukje se eleminoi dhe COVID-19, por ajo ka të ngjarë të kërkojë një dozë shumë më të madhe UV-C se sa pajisjet që janë në dispozicion.

Për të marrë kaq shumë intensitet të dritës UV-C, tha Lieberman, do të duhej ta linit telefonin tuaj në modelin e testuar të PhoneSoap për më shumë se dy orë.

VIVA FRESH E SHPALL KREEEEJT MUAJIN BLACK NOVEMBER!

Sponsoruar

-Advertisement-