Lajme

Me këto fjalë Vetëvendosje i uron ditën e themelimit LDK-së

Autori: Gazeta inFokus 15:57 | 23 December 2019

Këtë 23 dhjetor, LDK i ka bërë tani 30 vjet që nga themelimi i saj.

Për këtë ditë e ka uruar edhe Vetëvendosje, shkruan gazeta inFokus.

Vetëvendosje përmes shkrimit ku LDK-së i uron ditën e themelimit, kujton atë kohë, ku thotë që burgjet po mbusheshin me shqiptarë e populli kërkonte republikë.

-Advertisement-

“Para 30 vjetëve ishte kohë e vështirë: 1989 ishte vit i suprimimit të autonomisë së Kosovës nga regjimi i Milosheviqit, burgjet gjithandej Serbisë e Jugosllavisë ishin mbushur përplot me shqiptarë, kurse demonstratat në Kosovë bëheshin të fuqishme dhe të shpeshta. Po shpërbëhej federata, populli kërkonte republikë, LDK lindi si lëvizje politike, shoqërore e intelektuale, me në krye Dr.Ibrahim Rugovën”.

“Shumë punë e përpjekje janë bërë për demokraci dhe liri, nga mijëra e mijëra aktivistë të devotshëm. Urime ditën e themelimit!”.

Kujtojmë se Vetëvendosje e LDK ka muaj që kanë hyrë në negociata për të krijuar qeverisjen bashkë, por që problem për të arritur këtë gjë po del posti i Presidentit të Kosovës./Gazeta inFokus/

Subscribe në YouTube: GAZETA INFOKUSI