Auto&Tech

Izraeli tash e tutje mund të kontrolloj dronët e armikut

Autori: Gazeta inFokus 19:20 | 28 August 2019

Kompanitë e teknologjisë izraelite kanë zhvilluar sisteme për të marrë nën kontroll dronët e armikut.

Ata mund të marrin informacionin që mbartin ose regjistrojnë nga avioni për të parandaluar sulmet.

Falë këtyre sistemeve, operatorët izraelitë janë plotësisht në gjendje të marrin përsipër menaxhimin e dronëve dhe ta sigurojnë tokën në mënyrë të sigurt për analiza, transmeton KosovaPress.

-Advertisement-

Drejtori i prodhimit Skylock, Asaf Leibovitz, i tha gazetës izraelite Haaretz se sistemi “mund të zbulojë dronët e armikut deri në 3.5 kilometra larg dhe të operojë rreth 200 avionë të tillë në një kohë”.

Lajmet për një sistem të tillë erdhën pas një seri raportimesh për sulme në vendet fqinje arabe, të cilat iu atribuuan Izraelit.

Ushtria izraelite ndërmori veprime në Siri të shtunën natën për të parandaluar një sulm nga një grup i dronëve iranianë.

Skylock demonstroi dy muaj më parë, një shpikje të re në zhvillimin e së cilës ka marrë pjesë me të tjerët.

“Ne përcaktojmë hapësirën në të cilën ne duam të marrim nën kontroll dronin, dhe ne mund të ndërpresim lidhjen e tij me operatorin dhe ta vendosim atë, të kontrollojmë se çfarë po mban dhe kujt i përket,” tha Leibovitz.

Edhe kompanitë e tjera izraelite po zhvillojnë të njëjtën teknologji, shkruan

Haaretz. Kështu që Rafael kohët e fundit prezantoi sistemin ReDrone, i cili gjithashtu mund të bartet nga ushtarët në terren, duke marrë nën kontroll dronët e armatosur potencialisht dhe duke i bazuar ato pa i dëmtuar ato, gjë që është e rëndësishme, pasi dronët mund të jenë eksplozivë.