Lajme

Këta janë 10 personat më të paguar në Kosovë (Dokument)

Autori: Gazeta inFokus 12:28 | 06 November 2018

Të gjithë lakmojnë ‘punën e shtetit’.

E duket që edhe kanë arsye për këtë, paga me lartë në Institucionet Publike në vend arrin në 5 mijë euro.

Vendin e parë për pagesën më të madhe në Institucionet kosovare e mban drejtori menaxhues i Agjencisë Kosovare të Privatizimit. Ai çdo muaj merr rreth 5 mijë euro ose saktësisht 4 mijë e 819 euro, shkruan Gazeta inFokus.

-Advertisement-

E këtë pozitë deri para pak javësh e ka mbajtur, Ekrem Hajdari.

Personi i dytë më i paguar në Kosovë është zëvendësi i tij, zëvendës drejtori menaxhues i Agjencisë Kosovare të Privatizimit. Ai paguhet 4 mijë e 190 euro.

Edhe ambasadoret kosovarë nuk paguhen dobët. Ata zënë vendin e tretë për nga pagesa në Kosovë ndërsa marrin 3 mijë e 866 euro.

Kryetari i Gjykatës Kushtetuese në Kosovë paguhet me 3 mijë e 835 euro. Këtë pozitë aktualisht e mban Arta Rama-Hajrizi.
Mbi 3 mijë e 500 euro ose saktësisht 3 mijë e 643 paguhet drejtori 3 në Agjencisë Kosovare të Privatizimit.

Edhe zëvendës kryetari i Gjykatës Kushtetuese merr pothuajse sa kryetari i tij. Bajram Ljatifi që mban këtë pozitë çdo muaj nga buxhetit i shtetit merr 3 mijë e 624 euro.

Rreth 3 mijë e 500 euro merr edhe drejtori 4 në Agjencinë Kosovare të Privatizimit.

Ndërsa Gjyqtari i Gjykatës Kushtetuese në Kosovë paguhet 3 mijë e 451 euro. Aktualishtë ky Instituion ka 7 Gjyqtarë.
Vendin e 9 për pagën më ta lartë në Kosovë e zë drejtori 6 në Agjencinë Kosovare të Privatizimit. Ai paguhet 3 mijë e 289 euro.

Ndërsa për nga paga i dhjeti në Kosovë radhitet atashe i forcës dhe sigurisë në kudër të Ministrisë së Punëve të Jashtme. Kjo pozitë në Kosovë paguhet 3 mijë e 154 euro.