“Zgjedhjet janë zgjidhje e bllokadës”
Autori: Gazeta inFokus 21:26 | 19 October 2018
Deputeti që vepron në kuadër në grupit parlamentar të LDK-së, Korab Sejdiu ka deklaruar se zgjedhjet në Kosovë janë zgjidhje e bllokadës.
“Edhe pse kanë kosto financiare, dhe është e lodhshme të shkohet në zgjedhjet e shpeshta, edhe unë mendoj si shumica e deputetëve opozitarë se zgjedhjet janë zgjidhje. Fatkeqësisht ato janë e keqja më e mirë”.
Ai në “Dossier D” në RTV Dukagjini është shprehur kritik ndaj një pjese të opozitës të cilët po i krijojnë kuorumin qeverisë në Kuvendin e Kosovës.
“Sikur opozita të ishte e konsoliduar dhe bojkoti të ishte gjithëpërfshirës, atëherë asnjë vendim nuk do të mund të kalonte në Kuvend, dhe pas dy-tre muajsh vendi do të shkonte në zgjedhje”.
Duke folur për bisedimet me Serbinë, Sejdiu ka thënë se ekipi i formuar për dialog është një fasadë e krijuar nga Thaçi.
“Çfarëdo bisedime që do të bëhen me Serbinë, do të duheshin zhvilluar nga një qeveri legjitime që do të dalë pas zgjedhjeve, por opozita duhet të vazhdojë edhe me aksione tjera pos bojkotit”.
Deputeti opozitar ka thënë se pozicioni i tij politik për momentin mbetet në shërbim të opozitës, dhe se ende nuk ka vendosur për të ardhmen politike, por ai mendjen e ka të ndarë në rast të një koalicioni të mundshëm LDK-VV.
“Synimi im aktual është forcimi i opozitës. Jemi duke punuar që të formojmë një koalicion ndërmjet LDK dhe Vetëvendosjes”, tha ai, duke shtuar se ka lëvizje pozitive në këtë drejtim.
“Shpresa e vetme për ditë më të mira është formimi i një blloku mes këtyre dy partive që do ta formonin një qeveri legjitime”.
Ish-aktivisti i diasporës ka thënë se ka një iniciativë për ndryshimin e ligjit zgjedhor në mënyrë që diasporës kosovare t’i mundësohet votimi në ambasada apo konsullata.
“Votimi me postë e kemi parë që nuk ka qenë funksional, prandaj ne kemi menduar të iniciojmë disa ndryshime që tu mundësohet votimi i qytetarëve tanë nga diaspora”.
Duke folur për procesin e transformimit të FSK-së në ushtri, Sejdiu ka thënë se dje ka filluar procesi i formimit të ushtrisë.
“Do të filloj puna e mundimshme e transformimit të FSK-së në ushtri. Është një periudhë disa vjeçare, dhe mund të shkojë deri në 10 vite deri në formimin e kapaciteteve të plota”, tha ai.
“Formimi i ushtrisë po bëhet edhe më i vështirë, kur kemi parasysh se ekziston një qeveri që po e falimenton shtetin. Me këto keqpërdorime të parasë publike që po bëhen nuk e di a do të kemi mundësi edhe kapacitet financiar me u ble edhe çorape kësaj ushtrisë që e kemi e lëre me armë të rënda”, deklaroi ndër të tjera Sejdiu.
Të tjera
-
Shtëpi, banesë, tokë, ara, pyje e livadhe, kjo është pasuria e drejtorit të Policisë së Kosovës
Drejtori i Përgjithshëm i Policisë së Kosovës, Gazmend Hoxha, ka një pasuri t...
-
Kjo është pasuria e ministrit Arben Vitia
Ministri i Shëndetësisë, Arben Vitia, ka deklaruar pasurinë në Agjencinë për ...
-
A ka marrëveshje mes VV-së dhe PDK-së, kështu përgjigjet Arben Gashi
Deputeti i Lidhjes Demokratike të Kosovës (LDK), Arben Gashi ka thënë se ka q...
-
Jasharaj – Nagavcit: E dimë se ke urdhër nga Kryeministri që të mos na takosh
Kryetari i Sindikatës së Bashkuar të Arsimit, Shkencës dhe Kulturës (SBASHK),...
-
Kreu i Kishës Ortodokse Serbe në Malin e Zi: Kosova vatër serbe që nuk do ta lëmë
Kreu i Kishës Ortodokse Serbe në Mal të Zi, Joanikije e ka përmendur Kosovën ...
-
Aktori i njohur i humorit pranon Islamin?
Rezart Veleshnja, një ndër aktorët më të njohur të humorit, afirmuar e bërë e...
-
72 vjeçarja nga Kumanova mashtrohet nga shitësit e druve, raporton rastin në polici
MPB në Maqedoninë e Veriut njoftoi se një grua nga Kumanova 72 vjeçare ka rap...
-
Protestë më 1 maj, Jasharaj – Nagavcit: E dimë se ke urdhër nga Kryeministri që të mos na takosh
Kryetari i Sindikatës së Bashkuar të Arsimit, Shkencës dhe Kulturës (SBASHK),...
-
Kreu i Kishës Ortodokse Serbe në Malin e Zi: Kosova vatër serbe që nuk do ta lëmë
Kreu i Kishës Ortodokse Serbe në Mal të Zi, Joanikije e ka përmendur Kosovën ...
-
Kryetari i Istogut deklaron mbi 3 mijë euro kursime në bankë, e bashkëshortja e tij vetëm 30
Kryetari i Komunës së Istogut, Ilir Ferati ka deklaruar pasurinë në Agjencinë...
-
Rama: Mbrëmë punonjës të “Pastrimi”, kanë sulmuar fizi*isht punonjësit e ri të kontraktuar për mbledhje të mbeturinave
Kryetari i Prishtinës, Përparim Rama ka njoftuar se mbrëmë ekipjet e kontrakt...
-
Haxhiu: Anëtarësimi në Këshillin e Evropës e hap rrugën për padi për gjenocid ndaj Serbisë
Ministrja e Drejtësisë, Albulena Haxhiu deklaron se anëtarësimi i Kosovës në ...