Lajme

Thirrja e seancës nga opozita,Veseli: Prej që jam në krye të Kuvendit nuk kam marrë ndonjë kërkesë më absurde

Autori: Gazeta inFokus 15:24 | 02 September 2018

Kryetari i Kuvendit të Kosovës, Kadri Veseli e ka quajtur absurd dhe manipuluese, kërkesën e opozitës që të martën të mbahet seanca e Kuvendit, lidhur me dialogun.Veseli në një tryezë në Mitrovicë ku është folur për dialogun me Serbinë dhe korrigjimin e kufijve, ka thënë se partitë opozitare kanë zgjedhur rrugën e opozitarizmit destruktiv.

“Kanë thirrur një seancë e cila do të jetë të martën, gjoja për votimin e një rezolute për mbrojtjen e territorit të Kosovës, por shihet qartë se është manipuluese”.

“Prej që jam në krye të Kuvendit nuk ka marrë ndonjë kërkesë më absurde dhe manipuluese”, ka thënë Veseli, përcjell lajmi.net.

-Advertisement-

Veseli u ka bërë thirrje partive opozitare që të bashkohen në procesin e dialogut me Serbinë.

Kreu i Kuvendit duke folur për bashkimin e Luginës së Preshevës me Kosovën, ka thënë se kjo gjë nuk e rrezikon ndarjen e Kosovës, pasi sipas tij kjo pjesë ka qenë gjithmonë e Kosovës.

Subscribe në YouTube: GAZETA INFOKUSI
Etiketa:
Comodita në Las Vegas Market prezanton linjat e reja të dyshekëve për tregun amerikan
-Advertisement-

Të tjera

Fokusi

lajme