Lajme

Nga shtatori starton shkolla fillore “Mehmet Gjevori”

Autori: Gazeta inFokus 12:45 | 10 August 2018

Kryetari i komunës Shpend Ahmeti bashkë me nënkryetarin Selim Pacolli dhe drejtorin e Arsimit Jonuz Salihaj kanë vizituar sot përfundimin e punimeve në objektin e shkollës fillore dhe të mesme të ulët në lagjen “Arbëria”.

Shkolla që do të mbajë emrin “Mehmet Gjevori” në përbërje ka gjithsej 12 dhoma mësimi , prej të cilave 2 dhoma mësimi për nivelin e arsimit parafillor, 10 dhoma mësimi për nivelin e arsimit fillor dhe të mesëm të ulët dhe 4 dhoma për kabinete, kuzhinën dhe hapësirat të tjera përcjellëse sipas kërkesave dhe standardeve bashkëkohore.

“Drejtoria e Arsimit pas analizës dhe vlerësimit të përgjithshëm mbi demografinë e popullsisë në lagjet apo zonimin ku shtrihen shkollat fillore, si: SHFMU ‘Meto Bajraktari’, SHFMU ‘Qamil Batalli’ dhe SHFMU ‘Faik Konica’, konstati se numri i nxënësve në këto shkolla është i madh nëpër paralele prandaj rreth 17 paralele nga viti i ri shkollor 2018/19, do të transferohen në shkollën e re në lagjen ‘Arbëria’”.

-Advertisement-

Për të siguruar një transferim të lehtë i gjithë ky proces do të realizohet në koordinim të plotë me drejtuesit e shkollave dhe organet e brendshme të shkollë, thuhet në komunikatën e komunës.

Sipas komunikatës javën e ardhshme do të bëhet edhe prezantimi i draft projekteve konceptuale i pesë objekteve shkollore që do të ndërtohen me programin PFI në bashkëpunim me Bankën Botërore.

Subscribe në YouTube: GAZETA INFOKUSI