Sport

Patrick Vieira: “Modriç nuk është lojtari më i mirë i Botërorit”

Autori: Gazeta inFokus 13:15 | 14 July 2018

Legjenda franceze e futbollit Patrick Viera është i sigurt se skuadra e Didier Deshamp do ta mund Kroacinë dhe do të bëhet kampion i Botës, shkruan GazetaFokus.

“Franca është një favorit i madh, kundër Kroacisë e cila kishte një ditë më pak për pushim, dhe ka zhvilluar tre ndeshje të njëpasnjëshme në të cilën ka luajtur vazhdimet. Kur Franca të niset në aksion, kundërshtari do ta ketë shumë të vështirë, unë jam i bindur në triumfin e Francës” , ka thënë Viera.

LEXO EDHE: Kolinda dhe Makron së bashku në finalen e Botërorit

-Advertisement-

Viera, i cili ishte kampion i Botës dhe Evropës me Francën, nuk është i pajtimit se Luka Modric është lojtari më i mirë i Bptërorit në Rusi.

“Nuk e di nëse N’Golo Kante është më i miri në botë, por ai është sigurisht mesfushori më i mirë në këtë turne, ai ka luajtur në mënyrë fantastike deri tani, nuk ka shumë lojtarë të tillë. Ai ishte shtylla kryesore e ekipit dhe ka punuar shumë, për shokët e skuadrës”, ka përfunduar legjenda e Francës.

Francë dhe Kroaci luhen të dielën në orën 17:00 në stadiumin Luzhnik në Moskë. /GazetaFokus.

Subscribe në YouTube: GAZETA INFOKUSI