Auto&Tech

Edhe Nissan ka mashtruar me të dhënat për emetimin e gazrave

Autori: Gazeta inFokus 14:22 | 09 July 2018

Prodhuesi ka pranuar se ka ndryshuar të dhënat që kanë të bëjnë me automjetet e reja në Japoni.

Siç është bërë e ditur, janë ndryshuar rezultatet e emetimit të gazrave dhe shpenzimit të karburantit.

Nissan për shkak të kësaj ka shprehur keqardhje, por thuhet se të dhënat reale edhe më tej janë në kuadër të normave të lejuara dhe se siguria e automobilave nuk është dëmtuar, transmeton KosovaPress. Një zëdhënës i kompanisë konfirmoi se hetimi i këtij rasti është në vazhdim.

-Advertisement-

Që në shtator 2017, Nissan pranoi se testimet e fabrikës së automjeteve të reja u kryen nga punonjësit, të cilët nuk ishin të autorizuar për të kryer këtë punë.

Pas kësaj shpërtheu skandali, ku mbi një milion makina të prodhuesit japonez duhej t’i nënshtroheshin një rishqyrtimi.