Ekonomi

Bankroton Venezuela

Autori: Gazeta inFokus 10:31 | 09 May 2018

Inflacioni me bazë vjetore në Venezuelë u rrit thuajse në 14,000%  në muajin Prill, sipas të dhënave të Asamblesë Kombëtare të drejtuar nga opozita, që publikon treguesit e vetë ekonomik, ndërkohë që Banka Qendrore nuk e bën.

Ekonomia e vendit të OPEC të drejtuar nga partia socialiste ka arritur në një kolaps,  në një kohë të hiperinflacionit, mungesës së barnave dhe ushqimeve si dhe rritjes së emigrantëve që kërkojnë kushte më të mira  jashtë vendit.

Presidenti Nicolas Maduro thotë se vendi është viktimë e një lufte ekonomike nga liderët e opozitës, që sipas tij është nxitur nga sanksionet financiare të vendosura nga Washingtoni.

-Advertisement-

Çmimet e konsumit janë rritur me 80% në Prill, krahasuar me 67% në muajin Mars.

Me bazë vjetore për muajin Prill, janë rritur me 13,779%, sipas Asamblesë Kombëtare.

Banka Qendrore nuk ka publikuar të dhënat mbi nivelin e çmimeve për 2 vite.  Kritikët e Qeverisë së Maduro thonë se problemi themelor është zgjerimi i pakontrolluar i ofertës së parasë, që është rritur me rreth 3,000% në 1 vit.

Kjo ka çuar vlerën e valutës vendase, bolivarit, drejt zeros.   Kursi i këmbimit për bolivarin në tregun e zi, që tolerohet pavarësisht mospërputhjes me ligjin, ka rënë me 99% që kur Maduro morri pushtetin në vitin 2013.

Qeveria po planifikon një masë për muajin Qershor, që do të heqë 3 zero te çmimet.

Kritikët kanë vënë në dyshim aftësinë e autoriteteve për të printuar kartëmonedha të reja në kohë.

Subscribe në YouTube: GAZETA INFOKUSI
Etiketa:
Fillon aplikimi për Global Engineer Girls Kosova
-Advertisement-

Të tjera

Fokusi

ekonomi