Ekonomi

Flamur Mrasori zgjidhet kryetar i Bordit të BQK-së

Autori: Gazeta inFokus 13:13 | 22 March 2018

Bordit të Bankës Qendrore të Kosovës , tash e tutje do t’i prijë Flamur Mrasori. Të enjten ai mori bekimin e shumicës së anëtarëve të Bordit të BQK-së për të kaluar në krye të kësaj pozite, shkruan Infokusi.com.

Mrasori ka 11 vite që ushtron funksione të rëndësishme në këtë bankë, mirëpo është hera e parë që zgjidhet në krye të këtij institucioni. Ai kishte ushtruar funksionin e Sekretarit të Bordit Ekzekutiv të BQK-së dhe të Këshilltarit të Guvernatorit.

Përvojat e Mrasorit nuk mbarojnë këtu. Gjatë periudhës së shërbimit të tij në BQK, ai ishte i përfshirë në të gjitha proceset e rëndësishme për realizimin e objektivave të BQK-së.

-Advertisement-

“Si kryesues i Komisionit për Integrime Evropiane të BQK-së, z.Mrasori ishte pjesëmarrës në procesin e dialogimit të MSA-së ndërmjet Kosovës dhe Bashkimit Evropian. Po ashtu, z.Mrasori ishte pjesëmarrës i rregullt i delegacionit të BQK-së në takimet vjetore të Fondit Monetar Ndërkombëtar dhe Bankës Botërore. Po ashtu, dy herë ka qenë Zëvëndësguvernator i përkohshëm i Republikës së Kosovës në FMN gjatë takimeve vjetore”, thuhet në njoftimin e BQK-së drejtuar mediave.

Tani, Mrasori është profesor në Fakultetin Juridik të Universitetit të Prishtinës.

Më datë 26 janar 2018 është zgjedhur nga Kuvendi i Republikës së Kosovës dhe më datë 5 shkurt 2018 është emëruar nga Presidenti i Republikës së Kosovës në pozitën anëtar joekzekutiv i Bordit të Bankës Qendrore të Republikës së Kosovës”, thuhet më tej në këtë njoftim./Infokusi

Udhëto Oslo – Prishtinë çdo javë me PrishtinaTickets
-Advertisement-

T� tjera

Fokusi

ekonomi

Ky website përdor cookies. Duke vazhduar përdorimin, ju pranoni përdorimin e tyre.

Privacy policy