Sport

Superliga vije me pesë ndeshje interesante, vëmendja në Pejë dhe Mitrovicë

Autori: Gazeta inFokus 09:12 | 11 Mars 2018

Ka filluar java e 22-të në elitën e futbollit kosovar me ndeshjen derbi mes Feronikelit dhe Drenicës.

Fitore shënoi skuadra nga Drenasi me rezultat minimal 1-0 falë një goli nga Albutrint Morina.

Padyshim që vëmendja më e madhe e adhuruesve të futbollit kosovarë do të jetë në dy qytete Pejë dhe Mitrovicë.

-Advertisement-

Në qytetin e Pejës do të luhet derbi i vjetër i futbollit tonë mes Besës dhe Prishtinës.

Dy skuadrat në këtë takim hyjnë me objektiva krejtësisht të kundërta pasi vendasit janë në luftë për ekzistencë ndërsa Prishtina duke luftuar për titullin e kampionit.

Besa në këtë takim vije pas humbjes 1-0 nga Vllaznia e Pozhoranit ndërsa Prishtina pas fitores 2-0 ndaj Trepçës ’89.

E kampioni në fuqi i Kosovës, Trepça ’89 do të jetë nikoqire e Dritës.

Do të jetë kjo një ndeshje mes dy skuadrave që synojnë titullin e kampionit dhe gabimi nuk i lejohet asnjërës skuadër.

Interesant pritet të jetë edhe në Podujevë ku Llapi pas tri humbjeve radhazi në kampionat pret Lirinë e Prizrenit.

Ndërkohë Gjilani do të luaj derbin lokal me Vllazninë e Pozhoranit në stadiumin e qytetit.

Në Gjakovë gjithashtu pritet një ndeshje interesante pasi gjysmëfinalistët e Kupës së Kosovës, Vëllaznimi do të luaj derbin kuq e zi me Flamurtarin.

Të gjitha ndeshjet do të fillojnë me fillim nga ora 13:00.

Etiketa:
Comodita Home rikthen “Garage Sale” për edicionin e tetë, me zbritje deri në 70%
-Advertisement-

T� tjera

Fokusi

sport

Ky website përdor cookies. Duke vazhduar përdorimin, ju pranoni përdorimin e tyre.

Privacy policy