Ekonomi

OEK: Gjendja aktuale e biznesit me trend të rritjes

Autori: Gazeta inFokus 12:39 | 05 Mars 2018

Oda Ekonomike e Kosovës (OEK), ka prezantuar raportin mbi klimën e të bërit biznes për tre mujorin e katërt të vitit 2017, ku ka vlerësuar se gjendja aktuale e biznesit paraqitet me trendin e rritjes.

Po ashtu, në këtë raport janë përmendur edhe barrierat me të cilat ballafaqohen bizneset, ku përveç procedurave doganore, kosto e lartë e energjisë del të jetë pengesa kryesore e të bërit biznes.

Kryetari i OEK-ut, Safet Gërxhaliu, ka thënë se në tremujorin e fundit të vitit paraprak, gjendja e bizneseve paraqitet me trend të rritjes. Sipas tij, sektori i prodhimit është ai që premton dhe është optimist për rritjen e shkallës së papunësisë. Një nga analizatorët kyç që analizohet në këto hulumtime është indikatori i konfidencës, i cili edhe në këtë tremujor ka shënuar një rritje prej 3.8 për qind dhe në këtë drejtim është një hap pozitiv.

-Advertisement-

Ndërsa, Olivera Ceni nga OEK, ka prezantuar të dhënat, duke thënë se konform gjendjes së mirë të vlerësuar të bizneseve dhe treguesi i klimës së biznesit në Kosovë ka shënuar rritje në tremujorin e katërt të vitit 2017 rritja është për 15 % që është dukshëm më e mirë krahasuar me tremujorin e tretë. Po ashtu ajo thënë se bizneset të anketuara për barrierat e të bërit biznes në Kosovë kanë treguar se procedurat doganore, normat e larta të kredive dhe kostoja e lartë e energjisë vazhdojnë të jenë pengesë për bizneset.