Lajme

Ministri Sefaj flet për arrestimin e vëllait të Rexhep Selmit që sulmoi policët

Autori: Gazeta inFokus 23:49 | 02 March 2018

Ministri të Brendshme, Flamur Sefaj, ka komentuar rastin e orëve të fundit, kur vëllai i deputetit të Vetëvendosjes, Rexhep Selimi, Ramdan Selimi u përfshi në një sulm ndaj një polici të Kosovës.

“Janë informata të orëve të fundit. Ajo që dihet është se një qytetar, me gjasë për një kundërvajtje më të hershme, nuk i është bindur zyrtarëve policor. Ai person ka sulmuar zyrtarin policor”, ka thënë Sefaj, në Interaktiv të KTV-së.

Ai ka treguar se rasti është ende duke u trajtuar, meqë siç ka thënë ai, “pasi që prokurori i rastit ka vendosur që Selimi të lirohet në procedurë të rregullt, ai ka kërcënuar zyrtarin policor. Kështu, është thirrur sërish prokurori dhe rasti është duke u trajtuar”.

-Advertisement-

“Si duket fjala është për një kundërvajtje më të hershme, e ka qëlluar rastësisht që qenka edhe vëllai i deputetit Rexhep Selimi”, ka thënë ai.