Auto&Tech

Hyundai i kundërpërgjigjet Cupra Atecas me Tucsonin sportiv

Autori: Gazeta inFokus 09:51 | 26 February 2018

Tucson N do të jetë rivali direkt i SEAT, i cili në panairin e automobilave në Gjenevë do të debutojë me emrin Cupra Ateca.

Drejtori i shitjeve globale të Hyundait, Bjung Kvon Rim, tha se Tucson N është në fazën e hershme të zhvillimit, por pas tij do të vijnë modele të tjera.

Hyundai lansoi sektorin N me sjelljen e ish-drejtorit të divizionit M të BMW-së Albert Birman. Ai vitin e kaluar shprehu dëshirën që të zhvillojë modelin profitabil Tucson, njëri nga modelet më të shitura të këtij prodhuesi jugkorean në botë.

-Advertisement-

Edhe më tej nuk ka detaje për Tucson N, por ai pritet të ketë motor 2.0 litra turbobenzinë me 271 kuaj fuqi, transmeton KosovaPress.

Tucson N fillimisht do të dalë në tregun evropian, ku është më i popullarizuar, ndërsa debutimi pritet në gjysmën e dytë të vitit të ardhshëm.