Kuvendi i Kosovës nesër mban seancë plenare
Autori: Gazeta inFokus 22:34 | 07 February 2018
Kuvendi i Kosovës do të mbajë një seancë plenare, të enjten. Nga ora 10, deputetët pritet të shqyrtojnë disa projektligje.
Në rend të ditës është shqyrtimi i Projektligjit për ndryshimin dhe plotësimin e Ligjit për të Huajt, si dhe i Projektligjit për mbrojtje nga rrezatimi dhe për siguri bërthamore.
Po ashtu, deputetët pritet të shqyrtojnë edhe Projektligjin për pajisjet nën presion, dhe Projektligjin për shërbimin gjeologjik të Kosovës.
Gjatë kësaj seance gjithashtu pritet të bëhet shqyrtimi i rekomandimeve të Komisionit për të Drejtat e Njeriut, Barazi Gjinore, për Persona të Pagjetur dhe Peticione në lidhje me faturimin e energjisë elektrike të shpenzuar në katër komunat veriore të Kosovës.
Në rend të ditës është edhe një debat parlamentar, sipas kërkesës së Grupit Parlamentar të Lëvizjes Vetëvendosje, lidhur me dënimin e disa aktivistëve të këtij subjekti politik.
Deputetët gjithashtu do të shqyrtojnë Raportin vjetor të performancës së Zyrës Kombëtare të Auditimit për vitin 2016, dhe Raportin për gjendjen e mjedisit në Kosovë për vitin 2016
Është paraparë edhe një interpelancë e kryeministrit të vendit, Ramush Haradinaj, sipas kërkesës së grupeve parlamentare të Lidhjes Demokratike të Kosovës dhe të Lëvizjes Vetëvendosje, përkitazi me vendimin e Qeverisë për rritjen e pagave – por shefi i ekzekutivit nuk pritet të marrë pjesë, teksa ndodhet jashtë vendit.
E, një orë para se të nis seanca e Kuvendit, Akademia Diplomatike e Ministrisë së Punëve të Jashtme, në prag të dhjetëvjetorit të Pavarësisë së Kosovës, do të organizojë Konferencë ndërkombëtare njëditore në Prishtinë, me temën “Festimi i dhjetëvjetorit të pavarësisë: Arritjet dhe aspiratat”.
Ndërkaq, një orë më vonë, në kryeqytet do të mbahet ceremonia e certifikimit të programeve të vetëpunësimit. 164 punëkërkues të rinj kanë ndjekur Trajnimin e Ndërmarrësisë, të organizuar nga Ministria e Punës dhe Mirëqenies Sociale (MPMS), e mbështetur nga organizata gjermane GIZ. Ministri i Punës, Skënder Reçica, solemnisht do të shpërndajë certifikatat për përfituesit nga ky trajnim.
Në të njëjtën kohë, Komisioni i Pavarur për Miniera dhe Minerale do të zhvillojë takim në Prishtinë me përfaqësuesit dhe personat përgjegjës të ndërmarrjeve që merren me shfrytëzimin dhe përpunimin e lëndëve minerare.
Në Drenas, Kuvendi i Komunës do të mbajë mbledhje të jashtëzakonshme, në orën 11. Është bërë e ditur se asamblistët do të diskutojnë për “shkeljen e akteve juridike në Komunën e Drenasit”.
Në Zveçan, në orën 12, Agjencia e Menaxhimit Emergjent, në kuadër të Ministrisë së Punëve të Brendshme, me mbështetje nga Programi i Kombeve të Bashkuara për Zhvillim (UNDP), do të shënojnë Ditën Evropiane të numrit 112.
E, një orë më vonë, në Prishtinë, Instituti Demokratik i Kosovës (KDI) do të mbajë konferencë për medie, gjatë së cilës do të prezantohen rezultatet e sondazhit të pestë me radhë lidhur me pritshmëritë e qytetarëve rreth fazës përmbyllëse të dialogut Kosovë-Serbi, me titull: “Normalizimi i marrëdhënieve Kosovë – Serbi, këndvështrimi i qytetarëve”.
Ndërkaq, në orën 13:30, Kolegji UBT organizon konferencë për Projektligjin e Efiçiencës së Energjisë. Ndër panelistët do të jetë dhe ministri Zhvillimit Ekonomik, Valdrin Lluka.
Të tjera
-
Konjufca: Shteti i Serbisë përgjegjës për zhdukjen e Ukshin Hotit
Sot bëhen 25 vjet nga zhdukja e Ukshin Hotit. Më 16 maj 1999 në rrethana ende...
-
Rama fton qytetarët t’i vizitojnë parqet e kryeqytetit: Jemi duke punuar pa ndal në mirëmbajtjen e tyre
Kryetari i Komunës së Prishtinës, Përparim Rama, ka ftuar qytetarët që të viz...
-
Kurti: Serbia të dorëzojë në Kosovë terroristin Radoiçiqin
Kryeministri i Republikës së Kosovës, Albin Kurti, nga Samiti i liderëve që p...
-
Varhelyi nga Mali i Zi: Plani i rritjes është duke u realizuar
Komisioneri Evropian për Zgjerim, Oliver Varhelyi ka thënë se plani i rritjes...
-
Ministrja Gërvalla mban konferencë për media
Ministrja e Punëve të Jashtme, Donika Gërvalla, do të mbajë sot konferencë pë...
-
Letra e Gërvallës, Agon Maliqi thotë se do të trajtohet si tallje nga ndërkombëtarët
Njohësi i çështjeve politike, Agon Maliqi, ka shkruajtur në profilin e tij në...
-
Haki Abazi e shpall vdékjen e Qeverisë Kurti, hap “të pame” në Kuvend
Ish-deputeti i Lëvizjes Vetëvendosje, tani i pavarur, Haki Abazi, simbolikish...
-
Gjakovari arratiset pasi bën për spital gruan dhe djalin
Një grua ka raportuar në polici se një person ka ushtruar dhunë fizike ndaj s...
-
18 raste të dhúnës në familje brenda dy ditëve në Kosovë
Dhuna në familje vazhdon të mbetet njëri ndër problemet më serioze në shoqëri...
-
Çka thuhet në letrën e Gërvallës për Asociacionin që iu dërgua Këshillit të Evropës?
Ministrja e Jashtme e Kosovës Donika Gërvalla, ka njoftuar se i ka dërguar nj...
-
Gjendet një mjet i dyshimtë në Mitrovicë
Një person ka njoftuar se gjatë kryerjes së disa punimeve ka hasur në një mje...
-
Nëntë raste të dhu*nës në familje brenda një dite në Kosovë
Nëntë raste të dhunës në familje janë raportuar gjatë 48 orëve të fundit në K...