Ministri i Drejtësisë, Abelard Tahiri, ka shprehur edhe njëherë vendosmërinë e tij për të reformuar thellësisht Avokaturën Shtetërore.

Në një status që e ka postuar në rrjetin social Facebook, Tahiri ka bërë të ditur se planet për këtë reformim gjatë ditës së premte i ka prezantuar edhe në takimin e nivelit të Lartë për Sundimin e Ligjit, e që kishte për temë Doganën e Republikës së Kosovës.Sipas Tahiri, gjithë kjo bëhet për të arritur mbrojtjen e interesit publik.

“Mbrojtja e interesit publik është mision themelor i imi dhe këtë jam duke e adresuar nga çdo perspektivë, në radhë të parë përmes reflektimit mbi reformën që duhet të ndërmerret në Avokaturën Shtetërore.

-Advertisement-

Ky institucion, ka një numër prej 13,258 lëndësh, që mbrohen nga vetëm 6 avokatë, gjë që ndikon ndjeshëm në performancën e përfaqësimit adekuat dhe në ekspertizën e nevojshme.

Për këtë qëllim, jam i vendosur për të bartur kompetencën e përfaqësimit nga Avokatura Shtetërore tek autoritetet përkatëse publike siç e parasheh ligji” ka shkruar Tahiri.

Dogana, ATK-ja dhe komunat janë disa prej institucioneve publike që do të kenë përfaqësuesit e tyre në Gjykata.“Vetëm Dogana e Kosovës ka aktualisht 3,269 lëndë, mbrojtjen e të cilave Dogana do të mund ta bëjë me efikasitet dhe ekspertizë më të lartë. Në kuadër të përkushtimit tim për reformimin e Avokaturës Shtetërore, sot njoftova të gjithë palët e pranishme se gjatë javëve në vijim do të bashkërendojmë një plan veprimi për bartjen e lëndëve nga Avokatura Shtetërore tek Dogana e Kosovës, për t’u pasuar edhe me autoritetet e tjera publike siç janë ATK-ja, komunat, etj. Një hap i tillë jo vetëm se përmirëson ndjeshëm gjendjen në Avokaturën Shtetërore por mbi të gjitha u garanton autoriteteve përkatëse publike mbrojtje dhe përfaqësim më të denjë dhe kompetent të interesave publike” ka shkruar në fund Tahiri.

Comodita Home rikthen “Garage Sale” për edicionin e tetë, me zbritje deri në 70%

Sponsoruar

-Advertisement-