Shfaqja e Kendall Jenner-it me akne në fytyrë gjatë ceremonisë së Golden Globes bëri jo pak bujë…

Shumë komentues vërshuan në internet për ta kritikuar përfaqësuesen e Vogue, por modelja nuk i kushtoi shumë rëndësi. Kendall nuk është e vetmja me probleme në lëkurë, pasi edhe shumë emra të njohur kanë probleme të tilla.

-Advertisement-

Dukesha Kate Middleton vuan nga ekzema – sëmundje që shkakton tharjen, irritimin dhe skuqjen e lëkurës. Adele dhe Brad Pitt ndajnë gjithashtu të njëjtin problem.

Modelja dhe aktorja Cara Delevigne është e prekur nga psoriasis – krijimi i elementeve inflamatore (të skuqura) mbi sipërfaqen e lëkurës, të cilat mbulohen nga skuama (luspa).

“Njerëzit mendonin se sëmundja ime ishte ngjitëse dhe refuzonin të më afroheshin”, shprehet ajo në një intervistë.

Emër i njohur është modelja kanadeze Winnie Harlow. Ajo vuan nga vitiligo – mungesa e pigmenteve përgjegjës për ngjyrën e lëkurës dhe shoqërohet me njolla të dukshme. Sot, me më shumë se 2.8 milionë ndjekës në instagram, Harlow është imazhi i Swarovski, Nike, Diesel dhe pjesë e videoklipit “Lemonade” nga Beyonce dhe “Guts over fear”, bashkëpunim i Eminem dhe Sia-s.

“Historia ime është e pikturuar në lëkurë” rrëfen modelja në intervista të shumta.

Blogerja Hailey Wait, emri i të cilës u bë i njohur nga Daily Mail, publikoi një video ku tregonte si ia kishte dalë mbanë të pranonte veten. Pas shumë problemesh me bullizmin në shkollë, pasigurinë në rrugë, Hailey përkrahet nga 121 mijë ndjekës në rrjete sociale.

“Ndihem shumë mirë më lëkurën time. Është diçka që duhet ta pranoj dhe të vazhdoj përpara.”

Mund të duket përherë e kuruar në detaje, por Cameron Diaz është e prekur nga rosacea – sëmundje që shkakton skuqje të përkohshme ose të përhershme në zonën e hundës, ballit dhe faqeve, shkruan Anabel. Ylli i filmave të shumtë rrëfen se ka një lëkurë tepër të ndjeshme dhe shpesh herë i ka shkaktuar pasiguri.

Emra si Eva Longoria, Britney Spears, Natalie Portman, Rihanna, Kate Moss kanë patur probleme me puçrrat.

“Një herë në muaj unë jam e shëndoshë dhe me puçrra. Është si një javë e keqe”, thotë Rihanna.

Epo, nuk krijohemi në laboratore!

Comodita Home rikthen “Garage Sale” për edicionin e tetë, me zbritje deri në 70%

Sponsoruar

-Advertisement-