Kelly Clarkson, këngëtarja e mirënjohur amerikane, së fundmi ka nxitur debate pasi që ka treguar se nuk e kundërshton rrahjen e fëmijëve.

“Unë nuk jam kundër rrahjes me shuplakë të fëmijëve, gjë të cilën njerëzit sot nuk po e preferojnë”, ka treguar Clarkson, nënë e një vajze tri vjeçe dhe një djali 1 vjeç.

“Nuk e kam fjalën ta rrahësh fëmijën fort, por thjesht shuplakë të lehtë”, transmeton Telegrafi.

Ajo e ka shpjeguar hollësisht këndvështrimin e saj për këtë çështje: “Prindërit më kanë rrahur, dhe ia kam dalë mirë në jetë, ndihem mirë që e kanë bërë… Ky është problemi kur njerëzit janë figura publike, sepse pastaj mendojnë se është gjë e gabuar. Por unë nuk mendoj se ka ndonjë gjë të gabuar nëse e rrihni fëmijën… Unë e paralajmëroj vajzën time, i them: ‘Hej, do të ta fus shuplakë në vithe nëse nuk ndalesh menjëherë!’ në fakt, kur kam qenë e vogël dhe kam bërë probleme në shkollë, nëna ime i jepte leje drejtorit të më rrihte”.

Sipas një anketimi të vitit 2016 nga Gallup, 64 për qind e prindërve i rrahin me shuplaka prindërit. Por çfarë thotë shkenca për dënimin fizik?

Hulumtimet tregojnë se rrahja me shuplakë ishte ndërlidhur me 13 nga 17 sjellje negative të fëmijëve, duke përfshirë vetëbesimin e ulët, agresivitetin e lartë dhe reduktimin në aftësi njohëse.

Një studim i vitit 2017, i publikuar në revistën ‘Psychological Science’ ka zbuluar se fëmijët të cilët rrihen nga prindërit në moshën 5 vjeçare, kanë më shumë probleme me sjellje në moshën 6 dhe 8 vjet, krahasuar me shokët  dhe shoqet e tyre të cilët nuk rrihen nga prindërit.

Pra, hulumtimet e tyre sugjerojnë se rrahja me shuplakë e fëmijëve nuk është teknikë efektive dhe vetëm sa e keqëson sjelljen e një fëmije.

Rrahja e fëmijëve është e ndërlidhur edhe me një inteligjencë më të ulët të fëmijëve sesa të atyre të cilët nuk rrihen nga prindërit.

Aq më shumë që e rrihni fëmijën, thonë studimet, aq më shumë e ngadalësoni zhvillimin e aftësisë mendore të fëmijës.

Gjithashtu, efektet e rrahjes zgjasin tërë jetën! Një studim nga Universiteti i Michiganit me më shumë se 83,000 njerëz thotë se rrahja e fëmijëve mund t’iu shkaktojë depresion, t’i nxitë të abuzojnë me droga dhe alkool, si dhe gjithashtu ta provojnë vetëvrasjen.

Alan Kazdin, profesor i psikiatrisë, thotë se dënimi fizik i fëmijëve është fushë e studiuar mirë, ndërsa dënimi i tillë i vazhdueshëm – qoftë i lehtë apo i rëndë – i nxitë fëmijët të bëjnë krime, të kenë çrregullime mendore dhe disfunksion fizik.

Vetëm edhe 4 ditë nga Bootcamp me Alan Greenberg, ish-Drejtorin për Edukim në Apple, Apliko Tani

Sponsoruar