Sport

Mbappe flet për Ronaldon, Neymarin, Zidanin dhe Benzeman

Autori: Gazeta inFokus 14:36 | 27 December 2017

Kylian Mbappe është njëri ndër yjet e të ardhmes në futboll dhe, përkundër orarit të ngjeshur që ka, ai ka gjetur kohë të flasë për të përditshmen spanjolle “Marca” rreth Cristiano Ronaldos, Zinedine Zidane, Karim Benzema dhe Neymar, transmeton Express.

Mbappe për Cristiano Ronaldon:

“Ai është heroi i fëmijërisë sime. Takimi me të ka qenë i mahnitshëm, kur e vizitova Valdebebas. Por, tani jam garues dhe e gjitha çka dua është të fitoj, fitoj dhe fitoj. E admiroja atë kur isha i ri, por kjo gjë ka përfunduar tani”.

Mbappe për Neymar:

-Advertisement-

“Neymar është këtu dhe mendoj se është shumë i ngjashëm dhe praktikisht në një nivel me Cristiano Ronaldon. Njerëzit nga jashtë e njohin një Neymar në fushë, që s’është ai Neymari [i vërtetë]. Njerëzit e shohim duke bërë trika dhe driblime dhe mendojnë se ai tenton ta kënaqë vetën dhe se është vetjak dhe mendon vetëm për veten. Ama, kur ta ndani të njëjtën zhveshtore me të e kuptoni se nuk është ashtu, nuk është ai Neymari. Ai është person shumë i dashur dhe interesohet për të gjithë. Është shumë i mirë dhe luan për skuadrën.”

Mbappe për Zinedine Zidane:

“Zidanin e kisha idhull. Të gjithë në Francë e donin Zidanin. Të gjithë ata që e pëlqejnë futbollin e dinë se ai është rast i veçantë. Ajo çfarë po bën me Real Madridin që prej se u bë trajner është e jashtëzakonshme”.

Mbappe për Karim Benzema:

“E shoh atë si lojtar të madh. Nuk e di saktësisht çka ka ndodhur [që ai është lënë jashtë Kombëtares së Francës] dhe nuk mund të them shumë për këtë. Por, ajo që e di sigurt është se ai është lojtar i madh”.