Sport

Allegri: Nuk kam problem me Dybalan

Autori: Gazeta inFokus 10:45 | 24 December 2017

Massimiliano Allegri ka shpjeguar vendimin e tij për ta lënë sërish në bankën rezervë argjentinasin, Paulo Dybala.
Trajneri i Juventusit insiston se nuk ka asnjë problem me Paulo Dybalan, por thotë se problem do të ishte vetëm nëse ai nuk do të ishte në skuadrën e tij.

Allegri tregoi pse e la në bankën rezervë argjentinasin në ndeshjen ndaj Romës, të cilën e fituan 1:0.

“Nuk kam asnjë problem me Dybalan. Problem do të ishte nëse nuk do ta kisha në skuadër”, tha fillimisht Allegri për Premium Sport.

-Advertisement-

“Ai ka bërë shumë dhe do të bëjë edhe më shumë për Juventusin, por, për momentin jam duke preferuar lojtarë po aq të rëndësishëm sa ai. Sezoni është i gjatë”, vazhdoi italiani.

“Kishim nevojë për më shumë forcë sonte, sepse Roma është skuadër shumë fizike. Kjo është e gjitha”, u shpjegua në fund Allegri.

Subscribe në YouTube: GAZETA INFOKUSI