Lajme

Sanksionet ndaj Koresë së Veriut me pasoja për 13 milionë civilë gjatë dimrit

Autori: Gazeta inFokus 10:39 | 12 December 2017

Derisa moti i ftohtë ka nisur të godasë Gadishullin Korean, Kombet e Bashkuara kanë paralajmëruar se sanksionet ndëshkuese ndaj Koresë së Veriut mund të kenë pasoja për popullsinë civile.

“Ndihma humanitare e ofruar nga agjencitë e Kombeve të Bashkuara dhe të tjerët është një litar shpëtimi për rreth 13 milionë individë, por sanksionet mund të ndikojnë negativisht në këtë ndihmë elementare”, tha Zeid Ra’ad Al Hussein, zyrtar i lartë i OKB-së për të drejtat e njeriut.

Zeid tha se rritja e tensioneve në lidhje me programet bërthamore dhe raketore të Koresë së Veriut kanë çuar në përkeqësim të kushteve për ata që jetojnë nën regjimin e udhëheqësit të Koresë së Veriut Kim Jong Un, transmeton KosovaPress.

-Advertisement-

Koreja e Veriut prej vitesh është akuzuar për shpërfilljen e gjendjes së vështirë të qytetarëve të saj.Sot, 70% e 25.1 milionë njerëzve të Koresë së Veriut konsiderohen se nuk kanë ushqim të sigurt, Programi Botëror i Ushqimit.

Vërshimet e kohëve të fundit dhe potenciali për thatësirë , të cilën OKB e paralajmëroi për këtë vit, mund të rrezikojnë më tej furnizimet me ushqime.