Lajme

Specializantët paralajmërojnë protesta, u vonohen pagat me muaj

Autori: Gazeta inFokus 10:18 | 06 December 2017

Specializantët e mjekësisë po paralajmërojnë protesta gjatë ditëve në vijim, pasi që Ministria e Shëndetësisë nuk ua ka paguar pagat që disa muaj dhe njëkohësisht disa prej tyre nuk u kanë vazhduar kontratat e reja, të cilat u kanë skaduar në gjysmën e këtij viti.

“Në një takim të fundit që kemi zhvilluar me ministrin e Shëndetësisë, Uran Ismaili, e kemi njoftuar se shumë shpejtë mund të organizojmë protesta para Ministrisë për shkak të vonesave të pagave.Disa specializantë nuk kanë marrë paga prej prillit të këtij viti, përkatësisht për gati nëntë muaj, ndërsa disa të tjerë janë paguar vetëm deri në gjysmën e gushtit të këtij viti”, ka thënë për portalin “Infokusi” njëri nga specializantët që ka qenë në takim me ministrin Ismaili.

Sipas tij, pavarësisht arsyetimeve se pagat do të procedohen pas rishikimit të buxhetit të këtij viti, një gjë e tillë nuk ka ndodhur ndonëse buxheti është aprovuar në Kuvend para një muaji.

-Advertisement-

Në anën tjetër, zyrtarë për informim nga Ministria e Shëndetësisë kanë thënë për “Infokusin” se ministri Ismaili hapin e parë që e ka bërë me rastin e marrjes së detyrës ka qenë sigurimi i mbështetjes financiare për punësimin e specialistëve të papunë, por edhe të stafit të mesëm.

“Siç është bërë e ditur, Qeveria ka ndarë buxhet për punësimin e mbi 200 specialistëve të papunë dhe qindra të tjerëve nga stafi i mesëm. Hapat e tjerë do jenë planifikimi i mirë i specializimeve dhe distribuimit të kuadrove në të ardhmen”, thuhet mes tjerash në përgjigjen e kësaj Ministrie.

Mospagesën e pagave dhe mospërgatitjen e kontratave të reja me kohë ata e kanë arsyetuar me vonesat administrative dhe financiare. Por, siç thonë ata, pas lejimit nga Qeveria edhe të 11 milionë eurove, të cilat do të përdoren për barna dhe material shpenzues dhe mbulimin e rasteve të Trajtimit Jashtë Institucioneve Publike, një pjesë e këtyre mjeteve kanë të bëjnë edhe me pagesat e specializantëve, të cilëve do t’u kryhen obligimet.

“Kuptohet atyre, që nuk kanë vënë në lajthitje Ministrinë me rastin e lidhjes së kontratave, kur janë punësuar si “të papunë”.Pra, këto janë tema që tashmë kanë marrë filluar të zgjidhen”. / Infokusi/

Subscribe në YouTube: GAZETA INFOKUSI