Sport

Peru rrezikon përjashtimin nga Kupa e Botës, këto tre Kombëtare mund ta zëvendësojnë

Autori: Gazeta inFokus 10:59 | 23 November 2017

Kombëtarja e Perusë mund të përjashtohet nga Kupa e Botës, nëse shteti merr kontrollin e Federatës së Futbollit.

Sipas gazetës peruane, “Libero”, një ligj i propozuar nga Paloma Noceda, kryetarja e komisionit për Rini e Sport, mund të kalojë federatën e futbollit nën kontroll të shtetit – që nuk lejohet sipas rregullave të FIFA-s.

“Nëse ligji kalon tutje dhe FIFA nuk është e kënaqur, ka gjasa që Peru të përjashtohet nga garat ndërkombëtare, përfshirë Botërorin e vitit të ardhshëm”, shkruan Tuttosport.

-Advertisement-

Sipas tyre në rast se ndodh kjo, atëherë Italia është një nga Kombëtaret favorite për të zëvendësuar Perunë, për shkak të traditës dhe pjesëmarrjes 60 vjeçare.

Por, Italia nuk është e vetmja, pasi aty është edhe kampioni i Amerikës Latine, Kili që renditet në vendin e gjashtë.

Po ashtu për shkak të historisë në garë është edhe Kombëtarja e Holandës.