Sport

Hamilton: Me Vettel kemi bërë sherr pas incidentit në Baku

Autori: Gazeta inFokus 13:58 | 20 Nëntor 2017

Lewis Hamilton është përballur dhe ka debatuar ashpër me Sebastian Vettel pas incidentit që dy pilotët patën në garën e zhvilluar në pistën e Baku, në Azerbajxhan, këtë vit në Botërorin e Formula 1.

Këtë gjë e ka konfirmuar piloti britani, që u shpall kampion bote këët vit për të katërtën herë. “I thashë se nuk më kishte respektuar dhe se atë gjë nuk duhej ta përsëriste më, në të kundërtën do të kemi probleme. Unë nuk jam sjellë kurrë në atë mënyrë, me askënd. Nuk e di se çfarë po mendonte në ato momente, pasi secili prej nesh reagon në mënyrë të ndryshme”, tha Hamilton. “Vettel ka shumë përvojë, ndërkohë që unë me kalimin e kohës, jam munduar të përballoj emocionet dhe t’i ndaj ato”, u shpreh piloti britanik.

-Advertisement-