Lajme

Berlusconi, dhuratë Putinit për 65-vjetorin

Autori: Gazeta inFokus 11:31 | 09 October 2017

Presidenti rus Vladimir Putin është padyshim një njeri i vështirë për t’i bërë një dhuratë ditëlindjeje, por ish-kryeministri Silvio Berlusconi, sigurisht ia ka dalë mbanë të gjejë një dhuratë origjinale, në formën e një mbulese krevati, me një imazh të madh të të dy burrave.

Dhurata u bë me rastin e ditëlindjes së 65-të të Putinit, që ai e festoi të shtunën. Dy aleatët e hershëm politikë kanë kaluar kohë së bashku, si në Rusi, ashtu edhe në Itali, me një foto të tyren që festonin me kapela gjigante në kokë në vilën e Berlusconit në Sardenjë, që pushtoi faqet e para të shtypit ndërkombëtar.

Pasi ish-kryeministri italian dha dorëheqjen nga detyra, në mesin e një serie skandalesh, Putin e mbështeti duke thënë se ai nuk do të ishte trajtuar kaq padrejtësisht nëse do të kishte qenë gay.

-Advertisement-

Dhurata origjinale e Berlusconit vjen pasi vet Putin i kishte dhuruar më herët 81-vjeçarit një krevat dopio, në vitin 2008, ku Patrizia D’Adario, një prostitutë, supozoi se kishte fjetur me Berlusconin. Lëvizja ka gjasa të forcojë marrëdhëniet mes Italisë dhe Rusisë, nëse Berlusconi ndjek planin e tij për t’u rikthyer në postin e kryeministrit gjatë zgjedhjeve të vitit të ardhshëm në Itali.