Sport

El Shaarawy ia bën një premtim interesant Milanit

Autori: Gazeta inFokus 16:22 | 30 Shtator 2017

Sulmuesi i Romës, Stephan El Shaarawy ka thënë se do të jetë gjithmonë mirënjohës ndaj Milan-it, dhe se nuk do të festojë nëse shënon gol ndaj tyre.

Italiani e ka filluar karrierën te ‘Rosonerët’, por lëndimet e vazhdueshme ndikuan në formën e 24 vjeçarit, i cili pasi u huazua për një sezonë te Monaco, u transferua në ekipin e Romës.

“Për mua Milani ishte kurorëzimi i një ëndrre të madhe, me ta shënova golin e parë në Serie A, golin e parë në Ligën e Kampionëve, dhe arrita këtu ku jam tani. Nuk i festova dy golat e parë kundër tyre, dhe do vazhdoj të mos festoj edhe nëse shënoj përsëri”, ka theksuar El Shaarawy.

-Advertisement-

El Shaarawy ka regjistruar 102 paraqitje për ekipin e Milan-it, ku ka shënuar 27 gola dhe ka kontribuar me 14 asiste, ndërsa që nga transferimi i tij te Roma, ka shënuar 22 gola dhe 14 asiste në 69 ndeshje.

Milan dhe Roma do të takohen të dielë dielën në ‘San Siro’, në kuadër të xhiros së shtatë të Series A.