Trupi i femrës pa kokë është gjetur në një gji afër Kopenhagës ku policia daneze e kërkonte gazetaren suedeze Kim Wall, zhdukjen e së cilës e kishte lajmëruar familja e saj.

Trupi pa kokë, këmbë dhe duar u zbulua vetëm disa orë pasi që ndërmarrësi danez Peter Madsen (46), i dyshuar për vrasjen e 30-vjeçares, i kishte thënë policisë sa ajo kishte vdekur, derisa ishte me ta në nëndetësen e tij.

Madsen (46) pohon se Wall kishte vdekur në mënyrë aksidentale dhe se pas kësaj ai e kishte lënë në det, duke ndërruar deklaratën e mëparshme se si ajo ishte gjallë kur kishte zbritur në Kopenhagë. Trupin e kishte vërejtur një çiklis, i cili kishte kaluar nëpër gjirin Koge, pikërisht në vendin ku kishte thënë Maden se e kishte “lëshuar” trupin e gazetares së vdekur.

Wall ishte parë për herë të fundit më 10 gusht në nëndetësen “UC3 Nautilus” të cilën e kishte ndërtuar Madsen, por ai deri të hënën kishte insistuar se mbrëmjen e njëjtë ajo kishte zbritur në kontinent.

Madsen’in e kishte marrë marina daneze më 11 gusht kur nëndetësja e tij ishte fundosur në port. Familja e Kim’it kishte lajmëruar policinë për zhdukjen e saj, ndërsa hetuesit danez kanë kumtuar se kanë gjetur prova se nëndetësja ishte fundosur me qëllim, me siguri që Madsen t’i fshehë gjurmët e vrasjes, e jo për shkak të prishjes, siç ka pretenduar ai.

Wall ishte gazetare “freelance” suedeze e cila jetonte në dy adresa, në Nju Jork dhe në Kinë, dhe kishte raportuar për New York Times, Guardian, Time dhe Wise. Në nëndetësen e Madsen’it kishte shkuar në mënyrë që të shkruajë një tregim për një ndërmarrës dhe pronarin të një nga nëndetëseve më të mëdha private në botë, të gjatë 18 metra, në të cilën kishte financuar së paku 200.000 dollarë.

Madsen, pas arrestimin i kishte thënë policisë se nuk e kishte vrarë gazetaren, por e kishte zbarkuar në afërsi të restorantit në një ishull të afërt disa orë para fundosjes. Mirëpo, tani e ka ndërruar tregimin, por ende nuk është e qartë se çfarë ka ndodhur dhe përse është vrarë Kim. /express