Sport

Mesfushori i Juventusit synimi i ri i Romës

Autori: Gazeta inFokus 22:58 | 15 August 2017

Pak ditë para mbylljes së merkatos së verës, Roma ka vendosur të heqë dorë nga Ryad Mahrez i Leicester. Pas disa javë bisedimesh intensive, klubi anglez ka refuzuar sërish ofertën e bërë nga skuadra italiane.

Në këto kushte, sulmuesi algjerian do të qëndrojë në Premier League me Leicester. Roma ofroi së fundmi 37 milionë euro për Mahrez, por klubi anglez nuk pranoi, duke bërë që italianët të tërhiqen përfundimisht nga kjo ‘pistë’ merkatoje.

Tashmë verdhekuqtë do të kërkojnë alternativa të tjera për të zëvendësuar Salah që u transferua te Liverpool për 40 milionë euro.

-Advertisement-

Plani i ri i verdhekuqve është transferimi i mesfushorit të Juventusit, Juan Cuadrado. Kolumbiani pritet të largohet nga kampionët e Italisë dhe Roma do të përpiqet ta sjellë në “Olimpico”.