Lajme

CIVIL: Të shtënat nëpër dasma janë primitive, të rrezikshme dhe joligjore

Autori: Gazeta inFokus 10:36 | 19 July 2017

Në Maqedoni çdo vit ka incidente me të shtënat nga armë zjarri nëpër dasma edhe atë kryesisht në vendbanimet shqiptare.

Para dy ditëve, në Gostivar është lënduar një burrë me një plumb qorr i cili vinte nga ahengu familjar që organizonin fqinjët.
Në lidhje me këto incidente të njëpasnjëshme, ka reaguar Organizata Joqeveritare CIVIL nga Shkupi, duke apeluar që qytetarët të mos festojnë me armë zjarri.

”Apelojmë deri te nikoqirët dhe organizatorët e ahengjeve familjare të bëjnë zëvendësimin e revoleve dhe plumbave me mënyra ligjore, siç janë fishekzjarret edhe atë të drejtuara nga personeli i kualifikuar. Të shtënat festive janë të ndaluara me ligj dhe janë pjesë e traditave që u takojnë shekujve të kaluara kur njerëzit nuk kanë pasur telefona dhe mjete tjera komunikimi. Kjo është primitive, e rrezikshme dhe joligjore”, thuhet në kumtesën e Civilit.

-Advertisement-

Kjo organizatë vazhdimisht e alarmon opinionin dhe institucionet për tema lidhur me kontrollin e armëve në 17 vitet e fundit dhe zbaton fushatë për forcimin e vetëdijes publike për tekalimin e kultit ndaj armëve dhe dhunës në vend.

”Civili pretendon se është koha e fundit që të gjitha palët e prekura në domenin e shoqërisë, institucioneve dhe qeverisë, të ndërmarrin hapa serioze për tejkalimin e kultit ndaj armëve dhe problemeve tjera lidhur me armët. Kontrolli i armëve nuk është vetëm detyrë e policisë, por është edhe pjesë e masave afatgjate për trajtimin me kultin ndaj armëve. Për çdo vit, Civili del me një varg rekomandimesh për kontrollin e armëve. Qeveria e Gruevskit ishte e shurdhër ndaj rekomandimeve të Civilit gjatë viteve të kaluara, dhe i ndërpreu projektet për parandalimin dhe reformat në polici, një pjesë nga të cilat ishin të kushtuara këtyre temave. Shpresojmë se Qeveria e re do të jetë e hapur ndaj ekspertizave dhe rekomandimeve të Civilit.” thuhet në kumtesën e kësaj organizate.

Subscribe në YouTube: GAZETA INFOKUSI