Ekonomi

Obligimet Milionëshe të Qeverisë

Autori: Gazeta inFokus 11:46 | 30 June 2017

Në mbledhjen e sotme të qeverisë në detyrë ministri në largim i Financave Avdullah Hoti foli për obligimet e ekzekutivit.

Ministri në largim i Ekonomisë dhe Financave Avdullah Hoti tregoi në mbledhjen e sotme të qeverisë në detyrë obligimet e saj.

Hoti tha se qeveria ka obligime për Autostradën Prishtinë– Hani i Elezit, ndërsa sipas tij duhen mjete edhe për zgjedhjet lokale të caktuara më 22 tetor.

Ministri në largim përmendi edhe obligimin për pagesën 5 milionë eurove kompanisë OeSD në lidhje me pasaportat, sipas vendimit të gjykatës së arbitrazhit dhe tregoi se për fizibilitetin e “Trepçës” obligimi qeveritar është 0.6 milionë euro.

-Advertisement-

Gazeta Jeta në Kosovë shkroi për historikun e skandalit të pasaportave që Kosovës mund t’i kushtojë miliona euro.

Ministri në largim Hoti, në mbledhje tregoi obligimet e tërësishme të qeverisë.

“Pra kemi dikun rreth 112 milion euro obligime për shkak të mosfunksionimit të Kuvendit dhe mosrishikimit të buxhetit”, tha Hoti.

Pasi opozita dorëzoi mocionin e mosbesimit ndaj qeverisë së Isa Mustafës, ky i fundit pati reaguar në Facebook duke thënë se qeverisë së tij nuk mund t’i faturohen aferat e qeverisë së kaluar, mes tyre edhe ajo për pasaportat.