Kontratat e dyshimta të “Kosovës së Re”
Autori: Gazeta inFokus 13:25 | 10 June 2017
Kompania e sigurimeve “Kosova e Re” e cila ishte para falimentimit vitin e kaluar është rikthyer në treg për një kohë shumë të shkurtër. Kjo falë dhjetëra kontratave për sigurim të punëtorëve e veturave të arritura në mënyrë të dyshimtë me disa prej institucioneve publike në Kosovë.
Brenda vetëm pesë muajsh kjo kompani nënshkroi kontratë për sigurim të punëtorëve e veturave me institucionet publike si KOSTT, PTK, Sindikatën e Doganave të Kosovës, pastaj me KEDS-in e KESCO-n. Po ashtu kontrata u arritën edhe me dy komuna, në Skenderaj e Drenas.
Këto kontrata u nënshkruan menjëherë pasi në krye të kësaj kompanie erdhi pronari i ri, kompania ndërtimore “Fitorja”, e cila njihet e afërt me zyrtarë të lartë të Partisë Demokratike të Kosovës.
Gazeta Fjala pati shkruar se kjo kompani është e afërt me ish-deputetin Elmi Reçica dhe Faton Hasanin i cili është emëruar nga Banka Qendrore si drejtor gjeneral në “Kosovën e Re”.
Hasani është në kryesi të Partisë Demokratike të Kosovës në Ferizaj dhe në shumë raste dëshmon me fotografi në krah me Elmi Reçicën dhe kreun e PDK-së, Kadri Veselin.
Hasani: “Kosova e Re po rikthehet fuqishëm në treg
Nënshkrimin e këtyre kontratave e kishte paralajmëruar vet drejtori gjeneral i “Kosovës se Re”, Faton Hasani.
Ai në një njoftim publik të mëhershëm kishte thënë se kompania e sigurimeve ”Kosova e Re” po rikthehet fuqishëm ne tregun e sigurimeve në Kosovë.
“Kosova e Re” i ka kushtuar gjithashtu rëndësi tjetër të posaçme zhvillimit te produktit ”sigurimi i shëndetit privat” dhe gjatë kësaj jave janë nënshkruar kontratat për sigurimin e punëtorëve dhe anëtarëve të familjeve të tyre me korporatat me të mëdha në vend si: KEDS, KESCO, KOSTT, PTK, Sindikata e Doganave të Kosovës etj”, thuhet në një njoftim publik të menaxhmentit të publikuar në faqen zyrtare në facebook nga drejtori Faton Hasani.
Në këtë njoftim, Hasani thotë se brenda 5 muajsh pronari i ri, kompania “Fitorja, kanë arritur ta riorganizojnë krejtësisht ndërmarrjen.
“Tradita 43-vjecare që e bën të jetë kompania më e vjetër e sigurimeve në Republikën e Kosovës, kuadri profesional, menaxhmenti i dëshmuar në fushën e sigurimeve, dhe sukseset e aksionarëve, grupit të bizneseve vendore nën ombrellën e korporatës ”Fitorja” me seli në Ferizaj tashme pronare të kompanisë të sigurimeve ”Kosova e Re” për një periudhë të shkurtër prej vetëm 5 muajsh kanë riorganizuar në tërësi kompaninë duke i kushtuar rëndësi të posaçme klientëve të saj besnike”, ka thënë Hasani.
Si iu ndërrua pronari “Kosovës se Re”
Guvernatori i Bankës Qendrore të Kosovës, Bedri Hamza, vitin e kaluar ishte në hall me kompaninë e sigurimeve “Kosova e Re”. Për shkak të problemeve financiare që kjo kompani po kalonte, BQK për pak sa nuk ia vuri drynin.
Për të shpëtuar kompania, e vetmja mundësi ishte gjetja e një pronari të ri. Në ndihmë guvernatorit Hamza i dolën bashkë partiakët e dikurshëm nga Partia Demokratike të Kosovës.
Në fund të vitit 2016, kompania “Fitorja” nga Ferizaj që merret me ndërtimtari, i bleu 100 për qind të aksioneve të “Kosovës se Re”. Kjo kompani që aktualisht po e ndërton kompleksin “Iliria Rezidence” njihet e afërt me zyrtarë të Lartë të Partisë Demokratike të Kosovës, përkatësisht ish-deputetin Elmi Reçica.
Ndërkohë në Agjencinë për Regjistrimin e Bizneseve, si drejtor gjeneral në kompaninë “Kosova e Re” figuron emri i Faton Hasanit.
Hasani ka pranuar për Gazetën Fjala se është anëtar i PDK-së në Ferizaj, që nga paslufta.
“Pozitën të cilën e mbaj në PDK, dega në Ferizaj është anëtar i Këshillit Drejtues. Jam pjesë e këtij subjekti politik që nga themelimi”, ka thënë Hasani.
Sa i përket lidhjeve me Reçicën, Hasani thotë se “i takojmë të njëjtit subjekt politik dhe se kjo është lidhja me ta”.
“Aktiviteti im brenda subjektit të cilit i takoj, PDK-së është publik dhe plotësisht transparent”.
Ndryshimin e pronësisë se kësaj kompanie e kanë konfirmuar për Gazetën Fjala edhe nga Banka Qendrore e Kosovës. Zëdhënësi për media, Besnik Kada, thotë se kompania në fjalë Ka bërë kërkesë në BQK për aprovim të ndryshimit të pronësisë.
“Pas shqyrtimit të kërkesës, si dhe vlerësimit të pajtueshmërisë me kërkesat ligjore për ndryshim pronësie, BQK-ja ka miratuar kërkesën e kompanisë”, ka thënë Kada. Sa i përket pronarit të ri, Kada ka thënë se të gjitha të dhënat janë publike. /Gazeta Fjala/
Të tjera
-
Jasharaj – Nagavcit: E dimë se ke urdhër nga Kryeministri që të mos na takosh
Kryetari i Sindikatës së Bashkuar të Arsimit, Shkencës dhe Kulturës (SBASHK),...
-
Kreu i Kishës Ortodokse Serbe në Malin e Zi: Kosova vatër serbe që nuk do ta lëmë
Kreu i Kishës Ortodokse Serbe në Mal të Zi, Joanikije e ka përmendur Kosovën ...
-
Aktori i njohur i humorit pranon Islamin?
Rezart Veleshnja, një ndër aktorët më të njohur të humorit, afirmuar e bërë e...
-
72 vjeçarja nga Kumanova mashtrohet nga shitësit e druve, raporton rastin në polici
MPB në Maqedoninë e Veriut njoftoi se një grua nga Kumanova 72 vjeçare ka rap...
-
Protestë më 1 maj, Jasharaj – Nagavcit: E dimë se ke urdhër nga Kryeministri që të mos na takosh
Kryetari i Sindikatës së Bashkuar të Arsimit, Shkencës dhe Kulturës (SBASHK),...
-
Kreu i Kishës Ortodokse Serbe në Malin e Zi: Kosova vatër serbe që nuk do ta lëmë
Kreu i Kishës Ortodokse Serbe në Mal të Zi, Joanikije e ka përmendur Kosovën ...
-
Kryetari i Istogut deklaron mbi 3 mijë euro kursime në bankë, e bashkëshortja e tij vetëm 30
Kryetari i Komunës së Istogut, Ilir Ferati ka deklaruar pasurinë në Agjencinë...
-
Rama: Mbrëmë punonjës të “Pastrimi”, kanë sulmuar fizi*isht punonjësit e ri të kontraktuar për mbledhje të mbeturinave
Kryetari i Prishtinës, Përparim Rama ka njoftuar se mbrëmë ekipjet e kontrakt...
-
Haxhiu: Anëtarësimi në Këshillin e Evropës e hap rrugën për padi për gjenocid ndaj Serbisë
Ministrja e Drejtësisë, Albulena Haxhiu deklaron se anëtarësimi i Kosovës në ...
-
Tregu i përbashkët europian, 1 miliard euro drejt Shqipërisë
Marrëveshja që i lejon Shqipërisë të jetë pjesë e tregut të Përbashkët të Bas...
-
“Prishtina me Skënderbeun”, manifestim i madh për ditëlindjen e heroit
Për nder të ditëlindjes së heroit tonë kombëtar, Gjergj Kastrioti-Skënderbeu,...
-
Së shpejti Kosova me Agjenci për Siguri Kibernetike
Së shpejti pritet të funksionalizohet Agjencia për Siguri Kibernetike në kuad...