Shkruan:  Xhemal Ahmeti

Shumë flitet në këto zgjedhje për luftën qytetare kundër korrupsionit. Përshtypjen mirëpo e kam sikur shumica me të të kuptojë vetëm atë që ka tjetërsuar paret e shtetit ose tjerve për t’u pasuruar vetë. Kjo kategori burgoset më së lehti dhe nuk është e vetmja. Pasi paraja sundon botën çdokush këtë e ka parasysh. Korrupsioni mirëpo është shumë më shumë.
Çka pra nënkuptojmë me korrupsionin, kur bastisim që nga etimologjia e deri tek wikipedia?
1. Corruptio vjen nga latinishtja dhe don të thotë prishje etike e dikujt, atij që merr rrugë të gabuar.
2. Më së përafërmi këtë e definon politikologu Harold Dwight Lasswell dhe atë si: „akt destruktiv që lëndon interesat e përgjithshme në favor të një përparësie speciale.
3. Në këtë e sipër të korruptuar janë personat që:
-Shkelin rendin kushtetues nga ciladoqoftë pozitë që ka të bëjë më interesat e përgjithshme; pra nga pozita e funksionit zyrtar, funksionit në OJQ, parti, dhe çdo subjekti tjetër publik.
Në këtë kategori bine gjithë ata pra që:
– Kanë marrë një tender për të kryer një ofertë publike dhe kanë rezultuar milionerë, pasi shumica absolute e të ardhurave ka shkuar në konton e tyre private e jo në zhvillimin e ekonomisë dhe projektit për të cilin kanë marrë përgjegjësi.
– Janë pasuruar nëpërmjet rryshfetit duke keqpërdorur pozitën zyrtare, partiake, shtetërore.
– Arritur ndikim dhe pozita në shoqëri duke u financuar nga organizata e shtete të huaja, synimet e të cilave bien ndesh me kushtetutën e vendit dhe synimet e qeverisë në orientim, program e synim dhe sidomos demokracisë së vendit.
– Personat me përgjegjësi të lartë politike që para interesave të vendit vënë ato të vendeve tjera.
– Personat që keqpërdorin besimin e masave në interes të ideologjive dhe doktrinave që nuk i don shumica (ose nuk ka plebishit të qartë) në favor të ndonjë shtabi nga i cili financohet.
Dhe plotë të tjera të këtij drejtimi. Pra një veprim e bën të korruptuar siç thotë Lasswell kur synimi i tij është kundër interesave të përgjithshme e në favor të një interesi apo ideje të veçantë, speciale. Madje për shoqëritë si tonat, të cilat janë shndrruar në laboratore të lloj lloj ideologjish e aspiratash të huaja, korruptimi material është ai që mund të luftohet më së miri, duke instaluar mekanizmat pa të cilat as që mund të shkohet diku si në BE, NATO etj. Korruptimi mirëpo që prish, përçanë dhe paaftëson për kohë shumë të gjatë shoqëritë shiptare është ky imateriali. Me qytetarë të çorinetuar, ekstremizuar, depresivë edhe po pate burimet më të mëdha të naftës dhe gazit në botë nuk del nga llumi dhe tiranitë (Rusia, Katari, Arabia Saudite dhe shumë shtete tjera shumë të pasura materialisht e të pashpëtueshme mentalisht). Prandaj kur të votohet le të mos mendohet vetëm tek korrupsioni me fytyrën e devizës por edhe në atë më të keqin: paret vijnë e shkojnë njerëzit mbesin. Të luftohet çdo lloj i korruptuari – material apo imaterial, e njejta kategori janë.

-Advertisement-

Comodita Home rikthen “Garage Sale” për edicionin e tetë, me zbritje deri në 70%

Sponsoruar

-Advertisement-