Lajme

Jahjaga në Beograd, nuk shqetësohet nga koret nacionaliste serbe

Autori: Gazeta inFokus 16:41 | 31 Maj 2017

Ish-presidentja Atifete Jahjaga, të enjten do të marrë pjesë në festivalin tradicional kosovaro-serb “Mirëdita, dobardan”, ku ajo do të mbajë një fjalim për gratë e dhunuara gjatë luftës së fundit në Kosovë.

Me këtë rast aty do të prezantohet edhe libri “Ne duam të dëgjohemi” që trajton këtë temë fort të ndjeshme, parathënien e të cilit e ka shkruar Jahjaga.

Sa i përket koreve nacionaliste me të cilat është pritur njoftimi se ajo do të jetë pjesë e këtij festivali, këshilltarja e saj, Gresa Kraja, për Klan Kosovën, ka thënë se ato nuk i shqetësojnë, as nuk i bëjnë të rimendojnë shkuarjen në kryeqytetin serb.

-Advertisement-

Ndërkohë, për vizitën e saj në Beograd, gjegjësisht fjalimin e saj kanë reaguar edhe disa media serbe.

“Sulm i ri i shqiptarëve: Jahjaga përdhunon Serbinë në mes të Beogradit!”, është titulli i mediumit serb Informer.

“Ish-presidentja e shtetit të rremë të Kosovës, Atifete Jahjaga, në mes të Beogradit mban një fjalim në lidhje me atë se si serbët e organizuar kanë dhunuar gratë shqiptare ?!…”, thuhet më tej në nëntitullin e artikullit.

Etiketa:
Comodita Home rikthen “Garage Sale” për edicionin e tetë, me zbritje deri në 70%
-Advertisement-

T� tjera

Fokusi

lajme

Ky website përdor cookies. Duke vazhduar përdorimin, ju pranoni përdorimin e tyre.

Privacy policy