Lajme

Haradinaj: Kemi hyrë të bindur në projektin politik PDK-AAK-Nisma (Video)

Autori: Gazeta inFokus 19:24 | 26 May 2017

Kreu i Aleancës për Ardhmërinë e Kosovës thotë se kanë hyrë të bindur në projektin politik PDK-AAK-Nisma, kundër stagnimit në vend.

Kandidati për kryeministër i koalicionit PDK-AAK-Nisma, Ramush Haradinaj thotë se në këtë koalicion kanë hyrë pa dilema dhe të bindur në sukses. Thekson se në këtë bashkëpunim nuk ka dualizma dhe garë të brendshme por se do të punojnë së bashku për Kosovën.

“Është një partneritet i yni më se i hapur pa asnjë prapavijë, pa asnjë dilemë. Ne nuk kemi dilema për rolin tonë të ndërsjellë, e mirëpresim një rol serioz të PDK’së në këtë koalicion me z. Veseli se ai është partner në këtë rast. Ne nuk shohim në asnjë mënyrë, ta quaj ashtu, dualizma ose garë të brendshme, ne kemi hyrë, si thotë populli të bindur, se ky projekt është serioz për katër vitet që vijnë. Ne e dimë se nuk e kemi ekskluzivitetin e Kosovës, të gjithë janë Kosovë, edhe vëllezërit dhe motrat tonë, të gjithë të zgjedhurit, i gjithë populli, komunitetet por përgjegjësitë që i marrim dëshirojmë me qenë sa më afër sa më bashkë që t’i zbatojmë ato”, tha Haradinaj.

-Advertisement-

Thotë se marrëveshja për bashkëqeverisje u bë për hir të arritjes së sukseseve për vendin.

“Kjo është vërtetë një risi dhe është hera e parë që po ndodh përpara një koalicion i tillë i yni me PDK’në, mirëpo e kam pranu këtë si mundësi, po them. Vërtet iu jam mirënjohës PDK’së dhe z.Veseli sepse e kanë dorëzuar një përgjegjësi të caktuar të unë por jo në shërbim timin ose të Aleancës apo edhe të PDK’së por në shërbim të atdheut”, tha Haradinaj për emisionin ‘Argument Plus’ të televizionit 21.

Zgjedhjet do të mbahen më 11 qershor.

Subscribe në YouTube: GAZETA INFOKUSI
Etiketa:
Rëndësia e komunikimit efektiv midis Familjes dhe Kopshtit
-Advertisement-

Të tjera

Fokusi

lajme