Lajme

Gjini: Rivalitet ka mes vëllezërish, por Haradinaj dhe Veseli janë të pjekur

Autori: Gazeta inFokus 22:12 | 21 Maj 2017

Nënkryetari i AAK-së, Ardian Gjini ka thënë se koalicioni PDK-AAK-Nisma është koalicion që ka guxim dhe mundësinë për të ndërmarrë vendime të mëdha.

“Cilido qytetarë i di se është e qartë se kampi tjetër nuk mund të zgjidhë çështje të mëdha”, ka thënë Gjini, njofton Klan Kosova.

Ai ka qenë kritik për qeverinë Mustafa, duke akuzuar se nuk kanë mundur të çojnë përpara vendime të mëdha.

-Advertisement-

“Nuk guxon të mbetet një çështje e pazgjedhur për dy vjet. Nuk është Kosova që ka rregulluar gjitha çështjet se i ka mbetur një çështje e vogël për ta kalkuluar”, ka thënë Gjini, duke folur për marrëveshjen e demarkacionit me Malin e Zi.

“Vendimet do të merren në të ardhmen dhe nuk shohim problem të dakordohemi për tema të mëdha – kjo ka ndodhur edhe kur kemi qenë në kape të ndryshme, kur PDK ishte në pushtet e AAK në opozitë”, ka thënë Gjini në Magazina Zgjedhore.

Gjini ka thënë se PDK dhe AAK kanë pasur pikëtakime për çështje të mëdha dhe nuk do të jenë problem dakordimet as tash që janë në koalicion.

“Votuesi do ta sheh Kosovën duke lëvizur shumë më shpejtë”.

Ai më tej ka thënë se mund të ketë njëfarë lloj rivaliteti mes Kadri Veselit dhe Ramush Haradinajt, edhe pse janë bashkë.

“Rivalitet ka në mes të kolegëve gjithmonë, rivalitet ka edhe mes vëllezërve, por jam i bindur se Veseli dhe Haradinaj janë të pjekur për ta ditur se cilat janë rrugët për ta drejtuar vendin”, ka thënë Gjini.

“Rivaliteti është njerëzor, por pjekuria politike është përtej të nevojshmes”, ka pohuar ai.

Etiketa:
Comodita Home rikthen “Garage Sale” për edicionin e tetë, me zbritje deri në 70%
-Advertisement-

T� tjera

Fokusi

lajme

Ky website përdor cookies. Duke vazhduar përdorimin, ju pranoni përdorimin e tyre.

Privacy policy