Shëndetësi

Tequila ndihmon me shëndetin e eshtrave

Autori: Gazeta inFokus 09:00 | 10 May 2017

Një gotë e pijes Tequila mund të ndihmoj me shëndetin e eshtrave, thuhet në një studim të ri.

Shkencëtarët kanë gjetur që substanca nga bima e Tequila-s, ndihmon në rritjen e niveleve të kalciumit dhe magnezit, minerale që ndihmojnë t’i mbajnë eshtrat e fortë.

Madje këto sheqerna që gjenden në këtë bimë, mund të përdoren për të trajtuar osteoporozën, që shkaktohet nga dobësimi i eshtrave.

-Advertisement-

Kjo ngaqë këto substanca përmirësojnë absorbimin e kalciumit dhe magnezit në trup, të cilat janë minerale esenciale për shëndetin e eshtrave.

Shkencëtarët kanë zhvilluar studimin tek minjtë, kështu duke iu dhënë minjve sheqerna nga bima Tequila.

Pas tetë javësh janë analizuar mostra nga eshtrat e tyre, dhe është gjetur që proteinat janë sintetizuar për afërsisht 50% më shumë krahasuar me të tjerët që nuk kanë konsumuar ato sheqerna.