Lajme

Arrestohet një person në Gjilan, Prokuroria: Mblodhi afro 200 mijë euro duke mashtruar se vuan nga leukemia

Autori: Gazeta inFokus 17:38 | 22 November 2026

Një person me inicialet E.A. është arrestuar mbrëmë rreth orës 22:00 në Gjilan pasi dyshohet se kishte mashtruar duke mbledhur mbi 189 mijë euro për kinse për shërimin nga leukemia akute.

Prokuroria Themelore e Gjilanit tha se ka bllokuar shumën e parave të grumbulluara në të gjitha llogaritë bankare të të arrestuarit.

“Prokuroria Themelore në Gjilan në bashkëpunim me Policinë e Kosovës në Gjilan, dje rreth orës 22:00 ka ndaluar një person me inicialet E.A i cili dyshohet se nga data 09 nëntor 2026 me qëllim të përfitimit pasuror ka sajuar një ngjarje të pa qenë ku aludonte se është i prekur nga sëmundja e ‘’Leukemisë Akute’’ gjë që pas verifikimit të historisë së tij i njëjti nuk vuante nga një sëmundje e tillë dhe kishte hapur dhe një ‘’Gofund’’ ku kishte zhvilluar aktivitetit në Kosovë dhe diasporë me qëllim të grumbullimit të mjeteve financiare kinse për shërim e rehabilitim, ku shuma e grumbulluar arrin shifrën e njëqind e tetëdhjetë e nëntë mijë e dyqind e gjashtë euro e tetë cent (189.206.8 euro) ashtu që i njëjti me këto veprime dyshohet se ka kryer veprën penale të Mashtrimit nga neni 323 i Kodit Penal të Kosovës”, thuhet në njoftim

-Advertisement-

E.A. u ndalua për 48 orë.

“Me të marrë informacionet e para Prokuroria Themelore në Gjilan së bashku me Policinë e Kosovës ka reaguar menjëherë, ku fillimisht ka bllokuar shumën e parave të grumbulluara në të gjitha llogaritë bankare të evidentuara lidhur me rastin, dhe të njëjtin e ka vendosur në kërkim policor, ashtu që me datë 21 nëntor 2026, rreth orës 22:00 arrestohet nga Policia e Kosovës dhe me vendim të Prokurorit të shtetit dërgohet në ndalim për 48 orë”, thuhet në njoftim.

Ndaj të dyshuarit, Prokuroria Themelore në Gjilan tha se “brenda afateve kohore do të paraqesë kërkesën për caktimin e masës së paraburgimit pranë Gjykatës Themelore në Gjilan”.

Teknologjia në kuzhinë nuk është vetëm çështje komoditeti, por edhe kohe: Njihuni me pllakën inovative me induksion Miele KM 8000!
-Advertisement-

T� tjera

Ky website përdor cookies. Duke vazhduar përdorimin, ju pranoni përdorimin e tyre.

Privacy policy