Lajme

Presidentja Shiroka Pula takon ambasadorin hungarez, këto janë çështjet që ishin në fokus

Autori: Gazeta inFokus 19:03 | 18 November 2026

Presidentja e Kosovës, Justina Shiroka Pula, ka pritur në takim ambasadorin e Hungarisë në Kosovë, Laszlo Dux, me të cilin ka diskutuar për marrëdhëniet ndërmjet dy vendeve, mbështetjen hungareze për Kosovën dhe thellimin e bashkëpunimit ekonomik.

Gjatë takimit, presidentja Shiroka Pula vlerësoi marrëdhëniet e mira ndërmjet Kosovës dhe Hungarisë, duke shprehur mirënjohje për mbështetjen e vazhdueshme të këtij shteti që nga periudha e luftës, gjatë procesit të shtetndërtimit dhe në përpjekjet për konsolidimin e subjektivitetit ndërkombëtar të Kosovës.

Sipas njoftimit nga Zyra e Presidentes, një nga çështjet e ngritura në takim ishte edhe rëndësia e vazhdimit të mbështetjes së Hungarisë për procesin e anëtarësimit të Kosovës në Këshillin e Evropës, si dhe për avancimin e perspektivës evropiane të vendit.

-Advertisement-

Presidentja theksoi gjithashtu rëndësinë e përkrahjes për marrjen e statusit të vendit kandidat për anëtarësim në Bashkimin Evropian.

Në fokus të diskutimeve ishte edhe bashkëpunimi ekonomik ndërmjet dy shteteve. Shiroka Pula vuri në pah nevojën për zbatimin e Marrëveshjes për Bashkëpunim Ekonomik dhe organizimin e takimit të radhës të Komisionit të Përbashkët Ekonomik.

Bletaria Haxhia – Tradita familjare dhe përkushtimi ndaj bletarisë sjellin mjaltë natyral e cilësor në tryezat tuaja
-Advertisement-

T� tjera

Ky website përdor cookies. Duke vazhduar përdorimin, ju pranoni përdorimin e tyre.

Privacy policy