Lajme

Ligji për Specialen votohet të enjten, të njëjtën ditë seancë e re per buxhetin dhe 10 pika tjera

Autori: Gazeta inFokus 20:09 | 17 November 2026

Të enjten pritet të votohet ligji për Gjykatën Speciale. Siç merr vesh Gazeta Express votimi do të ndodhë në vazhdimin e seancës e cila u ndëpre të premten që shkoi në mungesë kuorumi. Në fakt, Kuvendi pritet ta rrëzojë dekretin e Presidentes me të cilin Ligji i ishte kthyer Kuvendit, që ligji të hyjë në fuqi e më pas të amendamentohet.

Një seancë e re  plenare e Kuvendit të Kosovës do të mbahet të enjten, më 19 nëntor, duke filluar nga ora 11:00. Aty, në rend dite do të jetë buxheti dhe 10 pika tjera.

Presidentja e Kosovës, Justina Shiroka Pula, ktheu në Kuvend për rishqyrtim ligjin e ndryshuar për Gjykatën Speciale.

-Advertisement-

Ndryshimi i ligjit për Gjykatën Speciale u bë në mbrëmjen e 6 tetorit, pas disa javësh protestash në Prishtinë dhe qytete të tjera të Kosovës, pas dënimit të shkallës së parë të Gjykatës për katër ish-krerët e UÇK-së, Hashim Thaçi, Kadri Veseli, Jakup Krasniqi dhe Rexhep Selimi.

Të enjtën, në rendin e ditës janë paraparë gjithsej 11 pika, si vazhdimësi e seancës së kaluar, ku përfshihen shqyrtimi i disa projektligjeve, përfshirë atë mbi ndarjet buxhetore.

Düsseldorf–Prishtinë, dy fluturime në ditë – rezervoni me PrishtinaTickets
-Advertisement-

T� tjera

Ky website përdor cookies. Duke vazhduar përdorimin, ju pranoni përdorimin e tyre.

Privacy policy