Tetë raste të dhunës në familje janë raportuar dhe evidentuar në raportin 24-orësh të Policisë së Kosovës, në disa qytete të vendit.

Sipas raportit të policisë, rastet janë regjistruar në Fushë Kosovë, Prishtinë, Ferizaj, Istog, Klinë, Pejë dhe Gjakovë, ndërsa në mesin e viktimave ka edhe dy të mitura dhe një foshnjë.

Dy raste janë raportuar në Fushë Kosovë. Në rastin e parë, më 29 tetor, rreth orës 13:30, një burrë dyshohet se ka sulmuar fizikisht bashkëshorten e tij, së cilës i është ofruar ndihma mjekësore. I dyshuari është arrestuar dhe, pas intervistimit, me urdhër të prokurorit është dërguar në mbajtje.

-Advertisement-

Ndërkaq, në rastin e dytë, i cili është raportuar rreth orës 21:30, viktima ishin dy vajza të mitura, të cilat dyshohet se janë sulmuar fizikisht nga dy vëllezërit e tyre. Të dyshuarit ndodhen në arrati, ndërsa rasti është duke u hetuar.

Një rast tjetër është raportuar në Prishtinë, ku ish-bashkëshorti dyshohet se e ka larguar nga shtëpia viktimën, së bashku me foshnjën e saj. Gruaja është dërguar në strehimore, ndërsa i dyshuari është arrestuar dhe dërguar në mbajtje me urdhër të prokurorit.

Në Ferizaj, më 26 tetor, është arrestuar një burrë, i cili dyshohet se e kishte kanosur bashkëshorten e tij. Pas intervistimit, me vendim të prokurorit, ai është dërguar në mbajtje.

Ndërsa në Istog, një çift, të dy shtetas të Shqipërisë, dyshohet se kanë sulmuar fizikisht njëri-tjetrin pas një mosmarrëveshjeje. Pas intervistimit, burri është dërguar në mbajtje, kurse gruaja është liruar në procedurë të rregullt.

Edhe në Klinë është raportuar një rast i dhunës në familje. Një burrë dyshohet se ka ushtruar dhunë psikike ndaj gruas me të cilën kishte bashkëjetuar. Ai është arrestuar dhe dërguar në mbajtje pas intervistimit.

Në Pejë, një grua ka raportuar se është ngacmuar dhe kanosur nga ish-bashkëshorti i saj. Për rastin është njoftuar prokurori, ndërsa nuk raportohet për persona të arrestuar. Rasti mbetet nën hetime.

Rasti i fundit është raportuar në Gjakovë, ku një grua dyshohet se është keqtrajtuar nga i dashuri i saj. Sipas policisë, i dyshuari i është nënshtruar testit të alkoolit, i cili ka rezultuar pozitiv. Ai është arrestuar dhe dërguar në mbajtje pas intervistimit.

DHUNË NË FAMILJE

Fushë Kosovë 29.10.2026 – 13:30. I dyshuari mashkull kosovar, ka sulmuar fizikisht bashkëshorten e tij. Viktimës i është ofruar ndihma mjekësore. Ndërsa i dyshuari është arrestuar dhe pas intervistimit me urdhër  të prokurorit dërgohet në mbajtje.

Prishtinë  29.10.2026 – 16:00. Është raporton se ish bashkëshorti, e ka larguar nga shtëpia e tij viktimën së bashku me foshnjën e saj. Viktima është dërguar në strehimore. Ndërsa i dyshuari, pas intervistimit me urdhër të prokurorit dërgohet në mbajtje.

Fushë Kosovë 29.10.2026-21:30. Është raportuar rasti ku viktima janë dy femra të mitura femra, të cilat janë sulmuar fizikisht nga dy të dyshuarit meshkuj kosovarë (vëllezërit e tyre). Të dyshuarit gjenden në arrati. Rasti nën hetime.

KANOSJE&DHUNË NË FAMILJE

Ferizaj 26.10.2026-NN. Është arrestuar i dyshuari mashkull kosovar, pasi që i njëjti ka kanosur bashkëshorten e tij viktimën femër kosovare. Pas intervistimit me vendim të prokurorit i dyshuari dërgohet në mbajtje.

LËNDIM I LEHTË TRUPOR NË KUADËR TË DHUNËS NË FAMILJE

Istog 29.10.2026 – 15:35. Pas një mosmarrëveshje që kanë pasur ndërmjet vete, i dyshuari mashkull shtetas i Shqipërisë  (burri)  dhe e dyshuara femër shtetase e Shqipërisë (gruaja)  të njëjtit kanë sulmuar njëri-tjetrin. Pas intervistimit me urdhër të prokurorit i dyshuari dërgohet në mbajtje, ndërsa e dyshuara është liruar në procedurë të rregullt.

DHUNË NË FAMILJE

Klinë 29.10.2026 – 20:14. I dyshuari mashkull kosovar, ka ushtruar dhunë psikike ndaj  viktimës femër (me të cilën ka bashkëjetuar). I dyshuari është arrestuar, me urdhër të prokurorit pas intervistimit dërgohet në mbajtje.

KANOSJE&NGACMIM/DHUNË NË FAMILE

Pejë 29.10.2026-11:30. Eshtë raportuar se viktima femër kosovare, është ngacmuar dhe kanosur nga ish bashkëshorti i saj i dyshuari mashkull kosovar. Lidhur me rastin është njoftuar prokurori. Nuk raportohet për të arrestuar. Rasti nën hetime.

DHUNË NË FAMILJE

Gjakovë 29.10.2026 – 19:30. Është raportuar se viktima femër kosovare ishte keqtrajtuar nga i dyshuari mashkull kosovar ( i dashuri). Të dyshuarit i është bërë alkool testi dhe ka rezultuar se është nën ndikim të alkoolit. I dyshuari është arrestuar, pas intervistimit me urdhër të prokurorit është  dërguar  në mbajtje.

Comodita Home rikthen “Garage Sale” për edicionin e tetë, me zbritje deri në 70%

Sponsoruar

-Advertisement-