Lajme

Kurti tha se Bekim Sejdiu është ende kandidat, Hoti: Ai është tërhequr, si mund të thirresh në marrëveshje

Autori: Gazeta inFokus 15:30 | 30 September 2026

Kryeministri Albin Kurti sot tha se ende është e vlefshme marrëveshja mes partisë së tij, Lëvizjes Vetëvendosje dhe Lidhjes Demokratike të Kosovës, për Bekim Sejdiun kandidat për President megjithëse vetë Sejdiu kishte deklaruar se tërhiqet nga kandidatura pasi s’mori mbështetjen e të gjithë deputetëve të LDK’së.

Për këtë deklaratë të Kurtit ka reaguar deputeti i LDK’së, Avdullah Hoti, i cili pyeti se si mund të thirret në këtë marrëveshje kur vetë kandidati është tërhequr.

“Si mund të thirret dikush në një marrëveshje kur vetë personi i përfshirë në atë marrëveshje është tërhequr nga kandidatura?!”.

-Advertisement-

Hoti gjithashtu tha se një dakordim mes dy kryetarëve të partive “nuk mund të shndërrohet në urdhër për deputetët e Kuvendit”.

“Kushtetuta është shumë e qartë: deputetët, si përfaqësues të popullit, nuk i nënshtrohen asnjë detyrimi. Marrëveshjet politike mund të ndryshohen. Ne jemi gati të votojmë një kandidat nga Lidhja Demokratike të Kosovës, sepse vetëm kështu sigurohet balanca e pushteteve. Ne zgjedhim “zgjedhjet e reja” në vend të nënshtrimit politik”.

Në fund Hoti tha se marrëveshjet politike mund të negociohen, por jo Kushtetuta e Kosovës.

Udhëto Oslo – Prishtinë çdo javë me PrishtinaTickets
-Advertisement-

T� tjera

Fokusi

lajme

Ky website përdor cookies. Duke vazhduar përdorimin, ju pranoni përdorimin e tyre.

Privacy policy