Lajme

Prokuroria dhe Policia me aksion në Isniq të Deçanit, kapen dy persona

Autori: Gazeta inFokus 12:28 | 28 September 2026

Dy persona janë arrestuar mëngjesin e së hënës në fshatin Isniq të Deçanit, nën dyshimin për kultivim dhe posedim të paautorizuar të narkotikëve.

Operacioni është zhvilluar nga Drejtoria për Hetimin e Trafikimit me Narkotikë – Njësiti Antidrogë në Pejë, me autorizim të Prokurorisë Themelore në Pejë.

“Si rezultat i këtij operacioni, janë arrestuar dy persona, të dyshuar për veprat penale ‘Kultivim i bimëve narkotike’ dhe ‘Posedim i paautorizuar i narkotikëve’”, thuhet në komunikatën e përbashkët të Prokurorisë dhe Policisë.

-Advertisement-

Gjatë realizimit të urdhërkontrollit, autoritetet bëjnë të ditur se janë gjetur dhe sekuestruar bimë dhe substancë narkotike.

“Gjatë realizimit të urdhër kontrollit, janë sekuestruar 7 bimë narkotike të kultivuara, 28.6 gramë substancë narkotike të llojit marihuanë dhe pajisje të tjera, të cilat dyshohet se janë përdorur për përpunimin e substancave”, thuhet në komunikatë.

Prokuroria Themelore në Pejë dhe Policia e Kosovës kanë deklaruar se do të vazhdojnë angazhimin kundër veprimtarive të kundërligjshme që lidhen me narkotikët.

“Prokuroria Themelore në Pejë, në bashkëpunim me Policinë e Kosovës, mbetet e angazhuar në parandalimin dhe luftimin e veprimtarive të kundërligjshme që lidhen me narkotikët, me qëllim të mbrojtjes së sigurisë së qytetarëve dhe interesit publik”, përfundon komunikata.

Udhëto Oslo – Prishtinë çdo javë me PrishtinaTickets
-Advertisement-

T� tjera

Fokusi

lajme

Ky website përdor cookies. Duke vazhduar përdorimin, ju pranoni përdorimin e tyre.

Privacy policy