Lajme

Erdogan: Do ta përkrahim Kosovën për të siguruar vendin e merituar në komunitetin ndërkombëtar

Autori: Gazeta inFokus 12:46 | 22 September 2026

Presidenti turk Recep Tayyip Erdogan priti të hënën në Nju-Jork Kryeministrin e Kosovës, Albin Kurti, për bisedime mbi një sërë çështjesh. Takimi me dyer të mbyllura në Shtëpinë Turke (Turkevi Center) u zhvillua në margjinat e punimeve të Asamblesë së Përgjithshme të OKB-së, shkruan Anadolu Agency.

Sipas Drejtorisë së Komunikimit të Turqisë, në takim u diskutua për marrëdhëniet dypalëshe midis Turqisë dhe Kosovës, si dhe për zhvillimet rajonale e globale.

Në deklaratë thuhet se Erdogan theksoi se Turqia do të vazhdojë të ndërmarrë hapa për të rritur tregtinë dypalëshe në një nivel që përputhet me potencialin e të dyja vendeve.

-Advertisement-

Ai gjithashtu deklaroi se Ankaraja do të punojë për të avancuar më tej bashkëpunimin me Kosovën në fushën e sigurisë dhe të industrisë së mbrojtjes.

Erdogan i tha Kurtit se Turqia do të vazhdojë ta mbështesë Kosovën në sigurimin e “vendit të saj të merituar” në komunitetin ndërkombëtar dhe se Ankaraja mbështet gjithashtu dialogun midis vendeve të Ballkanit.Gjatë takimit, presidenti turk e ftoi Kurtin të marrë pjesë në Samitin e Liderëve COP31, të cilin Turqia pritet ta presë në nëntor në Antalia.

Udhëto Oslo – Prishtinë çdo javë me PrishtinaTickets
-Advertisement-

T� tjera

Fokusi

lajme

Ky website përdor cookies. Duke vazhduar përdorimin, ju pranoni përdorimin e tyre.

Privacy policy