Lajme

Kurti: Gjatë këtij viti, Kosova shënoi rritje ekonomike prej 5.4% në tremujorin e parë dhe 4.1% në tremujorin e dytë!

Autori: Gazeta inFokus 09:54 | 22 September 2026

Kryeministri në detyrë, Albin Kurti, gjatë qëndrimit në New York është takuar me drejtoreshën Menaxhuese të Fondit Monetar Ndërkombëtar, Kristalina Georgieva.

Kurti tha se me të diskutuan për partneritetin e deritanishëm dhe mundësitë që kanë përpara.

Kryeministri Kurti tha se prioritet për Qeverinë mbetet zgjerimi i programit ‘SuperPuna për Gratë’.

-Advertisement-

Ai tha se gjatë këtij viti, Kosova shënoi rritje ekonomike prej 5.4% në tremujorin e parë dhe 4.1% në tremujorin e dytë.

“Diskutuam për partneritetin tonë të deritanishëm dhe mundësitë që kemi përpara. Agjenda jonë e reformave synon krijimin e vendeve më të mira të punës, veçanërisht për të rinjtë dhe gratë, përmes rritjes së produktivitetit, investimeve dhe eksporteve, si dhe rritjes së pjesëmarrjes në fuqinë punëtore. Në këtë drejtim, prioritet për Qeverinë mbetet zgjerimi i programit tonë SuperPuna për Gratë, si dhe vazhdimi dhe përmirësimi i sistemit të arsimit dual. Gjatë këtij viti, Kosova shënoi rritje ekonomike prej 5.4% në tremujorin e parë dhe 4.1% në tremujorin e dytë” shkruan Kurti.

“Biseduam edhe për sfidat me të cilat po përballen vendet në mbarë botën, përfshirë rritjen e çmimeve të naftës dhe krizën energjetike, si dhe për mekanizmat dhe masat që nevojiten për t’i përballuar këto sfida” thekson kryeministri Kurti.

Njoftimi i plotë:

Udhëto Oslo – Prishtinë çdo javë me PrishtinaTickets
-Advertisement-

T� tjera

Fokusi

lajme

Ky website përdor cookies. Duke vazhduar përdorimin, ju pranoni përdorimin e tyre.

Privacy policy