Lajme

Haxhiu: Nëna Terezë u bë ndërgjegje e njerëzimit, një prej figurave më të ndritura që kombi shqiptar i ka dhënë botës

Autori: Gazeta inFokus 20:09 | 05 September 2026

U.d presidentja, Albulena Haxhiu, ka përkujtuar sot Nënë Terezën, me rastin e 5 Shtatorit, Ditës së Nënë Terezës

“Sot, në Ditën e Nënë Terezës, nderojmë jetën dhe veprën e një gruaje shqiptare që u bë ndërgjegje e njerëzimit”, ka thënë U.D. Presidentja Haxhiu.

Ajo ka theksuar se Nënë Tereza e kaloi jetën pranë atyre që vuanin, pranë të varfërve, të sëmurëve, të vetmuarve dhe të braktisurve.

-Advertisement-

“Madhështinë nuk e kërkoi në fjalë, por në shërbimin ndaj tjetrit, në përkushtim dhe në respektin e pakushtëzuar për jetën dhe dinjitetin e çdo njeriu”, ka thënë U.D. Presidentja.

Duke folur për trashëgiminë e saj, U.D. Presidentja Haxhiu ka thënë se prejardhja shqiptare e Nënë Terezës është burim krenarie, ndërsa vepra e saj i përket mbarë njerëzimit.

“Ajo la pas një shembull që nuk e humb fuqinë me kalimin e kohës dhe një porosi që mbetet po aq e rëndësishme për çdo brez: të mos kalojmë pa u ndalur pranë njeriut që vuan”, ka theksuar U.D. Presidentja Haxhiu.

Në përmbyllje të mesazhit të saj, U.D. Presidentja Haxhiu ka theksuar rëndësinë që figura dhe trashëgimia e Nënë Terezës kanë për shqiptarët dhe për mbarë njerëzimin.

“Në këtë 5 shtator, Nënë Terezën e kujtojmë me krenari dhe me nderimin më të thellë. Ajo mbetet një prej figurave më të ndritura që kombi shqiptar i ka dhënë botës dhe një emër që njerëzimi e shqipton me respekt kudo”, ka thënë U.D. Presidentja Haxhiu.

Udhëto Oslo – Prishtinë çdo javë me PrishtinaTickets
-Advertisement-

T� tjera

Fokusi

lajme

Ky website përdor cookies. Duke vazhduar përdorimin, ju pranoni përdorimin e tyre.

Privacy policy