Negociatat për Presidentin drejt finalizimit? LVV do marrëveshje me shkrim si garanci që LDK i ka të gjitha votat
Autori: Gazeta inFokus
15:26 | 30 August 2026
Albin Kurti nuk pati lajme të reja mbrëmë, por në mesjavë tha se duhet të jetë “çështje javësh” apo “ditësh” kur duhet të arrihet një marrëveshje për Presidentin. U.D. Presidentja uroi që kjo të bëhet javën e ardhshme. Lumir Abdixhiku, i cili javës që shkoi paralajmëroi se do të takohej me Kurtin sërish për ta “finalizuar” marrëveshjen dhe për ta “përzgjedhur” Presidentin, pas takimit të mbrëmshëm s’foli për mediat.
Kryeministri në detyrë, kryetari i Lëvizjes Vetëvendosje, Albin Kurti dhe kryetari i Lidhjes Demokratike të Kosovës, Lumir Abdixhiku nuk arritën ndonjë pajtim për emrin e Presidentit apo Presidentes së re, as pas një takimi të radhës, të paparalajmëruar, mbrëmë.
“Kur të kemi rezultate nga ana jonë, do të kemi lajme për ju”, iu tha Kurti shkurtimisht gazetarëve mbrëmë, pasi doli nga takimi me Abdixhikun.
Ushtruesja e detyrës së Presidentit, anëtarja e Kryesisë së LVV-së, Albulena Haxhiu u shpreh sot optimiste se do të ketë “rezultate pozitive” në bisedimet mes dy partive, duke lënë të kuptohet se dy palët s’janë larg finalizimit të ujdisë.
Ajo uroi “që marrëveshja të përmbyllet sa më parë” dhe “që kjo javë që po vjen të jetë vendimtare për për procesin e ardhshëm”.
Deputeti i LVV-së, Adnan Rrustemi tha se në rast të një marrëveshjeje me LDK-në, kryetari i kësaj partie duhet të garantojë për të gjitha votat.
“I mbetet zotit Abdixhiku ta menaxhojë grupin e tij parlamentar dhe, në momentin kur dakordohet për emrin, e bëjmë marrëveshje, të garantojë, le të themi, edhe implementimin e kësaj marrëveshjeje nga pozicioni i LDK-së”, tha ai pë KosovaPress.
Të mërkurën, bisedimet për Presidentin u përshkruan si “shumë të vështira” dhe “jo të lehta” nga të dyja palët. Por Kurti dhe Abdixhiku thanë se kishin bërë “një hap përpara”.
Pas atij takimi në mesjavë, Kurti deshi t’i mbajë konfidenciale bisedimet për emrat, ndërsa nuk u pajtua të quheshin “maratonike” këto negociata. Tha se është “çështje javësh” kur duhet të arrihet një dakordim për Presidentin e ri.
“Nuk do t’i kisha quajtur negociata maratonike. Natyrisht që nuk janë as distanca të shkurtra apo sprint, nëse flasim me gjuhën e atletikës, por nuk janë as maratonike dhe nuk besoj që do të jenë maratonike, sepse nuk është çështje muajsh kur ne duhet të merremi vesh – është çështje javësh, e do të dëshironim të ishte çështje ditësh”, tha ai.
Abdixhiku, në anën tjetër, kishte parlajmëruar pas takimit të së mërkurës se do të takohej sërish me Kurtin për ta “finalizuar dhe përzgjedhur” Presidentin.
“Për shkak të ndjesisë së procesit, ju lus për mirëkuptim, nuk mund të diskutojë për emra konkretë në këtë fazë, por do të takohemi sërish për të finalizuar dhe përzgjedhur Presidentin e ardhshëm të Republikës së Kosovës”, tha ai.
Kurti dhe Abdixhiku mbrëmë zhvilluan takimin e tyre të tretë prej kur LDK-ja më 13 gusht hoqi dorë nga bisedimet për t’u përfshirë në bashkëqeverisje me LVV-në dhe nga kërkesa për pozitën e shefit të shtetit.

T� tjera
-
Kryediplomati spanjoll: Kurrë s’do të jemi pengesë për dialogun mes Prishtinës dhe Beogradit e as pengesë e afrimit të Kosovës me BE’në
Spanja nuk do të jetë pengesë për afrimin e Kosovës me Bashkimin Evropian, de...
-
Kusari-Lila në Vjenë: BE-ja nuk është e plotë pa Ballkanin Perëndimor
Ministrja e Tregtisë dhe Industrisë, Mimoza Kusari-Lila, ka marrë pjesë në pa...
-
AUV kthen në Serbi 27 tonë misër për shkak të nivelit të lartë të aflatoksinës
Agjencia e Ushqimit dhe Veterinarisë (AUV) ka refuzuar importin dhe ka kthyer...
-
Shqipëri/ Aksidenti në autostradën Fier-Vlorë, humb jetën shefi i Krimeve të Rënda
Ka ndërruar jetë në aksidentin e rëndë të ndodhur pak minuta më parë në autos...
-
Prokuroria Speciale nis hetimet për incizimet ku Halil Thaçi tregon se si bashkë me Kurtin kurdisi konkursin në KEK
Prokuroria nis hetimet për audio-incizimin që VOX Kosova publikoi, ku Thaçi t...
-
Alarmon AUV, tërhiqet nga tregu VITA 3.2%
Agjencia e Ushqimit dhe Veterinarisë (AUV) ka urdhëruar tërheqjen e menjëhers...
-
Tragjedi në Gjermani: Dy të rinj nga Rahoveci humbin jetën në aksident
Një aksident i rëndë trafiku ka ndodhur të dielën në Gjermani, ku kanë humbur...
-
Çitaku: Pas rivotimit, ndërkombëtarët të kontribuojnë në ndryshimin e Ligjit për Specialen
Ushtruesja e detyrës së kryetares së Partisë Demokratike të Kosovës (PDK) në ...
-
Kosova dhe Austria drejt nënshkrimit të marrëveshjes për sigurime sociale
Ministri i Punës, Familjes dhe Vlerave të Luftës Çlirimtare, Andin Hoti, ka p...
-
OVL-UÇK: Nuk kemi besim në Dhomat e Specializuara, asnjë aktgjykim nuk e ndryshon të vërtetën historike të luftës
Organizata e Veteranëve të Luftës së Ushtrisë Çlirimtare të Kosovës (OVL-UÇK)...
-
Të shtëna me armë në Gjakovë, dyshohet për një person të plagosur
Një incident dyshohet se ka ndodhur gjatë pasdites së sotme në Çarshinë e Mad...
-
Pas tetë vitesh në krye të Policisë në Gjakovë, Lumni Graishta emërohet këshilltar në Ferizaj
Kolonel Lumni Graishta, pas afro tetë vitesh në pozitën e drejtorit rajonal t...



































